Monday, 31 December 2012

ஆங்கில புத்தாண்டு நல்வாழ்த்துக்கள் - சனிப்பெயர்ச்சி என்ன செய்கிறது?





பிறக்கும் ஆங்கில புதுவருடத்துக்கு வெட்கமே இல்லாமல் ராசிபலன் எழுதத் தொடங்கியிருப்பார்கள் நமது சோதிடர்கள். அதை வாங்க முன்பதிவு செய்திருப்பார்கள் நமது மக்கள். ‘ஆங்கில புதுவருட சனிப்பெயர்ச்சி... கேட்கவே கேவலமாக இல்லை? சனிபகவான் என்ன, மக்களை வதைப்பதற்கான கோர்ஸை ஈஸ்வரனிடம் இங்கிலிஷ் மீடியத்திலா படித்தார்? இது ஒரு கூட்டம், அடுத்தது தமிழ் புதுவருடத்தை தான் கொண்டாடுவோம், இதெல்லாம் இங்கிலிஸ்.. என்று. ஜனவரி, பெப்ரவரி என்பதை தை, மாசி என எழுதும் கூட்டம். எந்தக் கூட்டமும் எக்கேடும் கெடட்டும், உலகத்துக்கே, அல்லது பெரும்பான்மை உலகத்துக்கு பொதுவான கிரகேரியன் புதுவருடத்தை, அதன் உண்மையான அர்த்தம் தெரிந்துவிட்டு கொண்டாடுவோம், வாருங்கள்.

தற்போது பயன்படுத்தப்படும் கிரகரியன் கலன்டருக்கு முதல் உலகத்தில் ஜூலியன் கலண்டர் பயன்பட்டது. (அதுவரை பயன்பட்ட ரோமன் கலண்டர் சூரிய சுழற்சியிலிருந்து நான்கு மாதங்கள் பின்னால் இருந்ததால் கி மு 49இல் ஜூலியஸ் சீசர், வானியலாளர் சொசிஜீனஸ் ஐ, புதிய கலண்டரை உருவாக்குமாறு பணித்தார். அவ்வாறு உருவாக்கப்பட்டதே ஜூலியன் கலண்டர். ) ஆனால் அது உண்மையான புவிவியல் ஒரு வருடத்துடன் பொருந்தாததால், நூறாண்டு காலங்களில் இடைவெளி ஏற்பட்டது. உண்மையில் ஒரு வருடம் என்பது 365.2524 நாட்கள் (365நாட்கள், 5மணித்தியாலங்கள், 48நிமிடங்கள், 45.51செக்கன்கள்.). எனவே, அதனை அனுசரித்து, 1582 இல் பதின்மூன்றாம் போப் கிரகரியால் இன்றளவும் பயன்படுத்தப்படும் கலண்டர் அமைக்கப்பட்டது. அது, 365 நாட்கள் நீண்டது. இதனால் புறக்கணிக்கப்படும் கால் நாளை மீண்டும் சேர்க்கவே நான்கு வருடங்களுக்கு ஒருமுறை ஒரு நாள் கூட்டப்படுகிறது. (மறுபடி, அதனால் மீண்டும் அதிகாரிக்கும் வருடத்துக்கு 0.0024 நாள் என்ற அதிகரிப்பை சமாளிக்க மறுபடி 100 வருடங்களுக்கு ஒருமுறை லீப் வருடத்தை கணக்கில் எடுக்காமல் விட்டு, அதனால் இழப்பாகும் இரு நாளை மீட்க மறுபடி 400 வருடத்துக்கு ஒருமுறை லீப் வருடத்தை கொண்டாடி சமாளிக்கிறார்கள்.) எப்படியும், எங்களது இந்தக் கலண்டரும் சீரானது இல்லை. இபோதும்வருடத்துக்கு  26செக்கன்கள் பின்னால்தான் உள்ளோம். ஆகவே,  3323 வருடங்களுக்கு ஒருமுறை ஒரு நாள் பின்னால் இருப்போம். அதை சமாளிக்க, 4000 வருடங்களுக்கு ஒருமுறை, மறுபடி அந்தலீப் வருடத்தை கொண்டாடாமல் விடவேண்டும். இப்போது கூர் கூடியவர்களுக்கு ஒன்று புரிந்திருக்கும், 3323க்கு பதிலாக  4000 எடுத்தால், மறுபடி குளறுபடி வரும் அல்லவா? ஆனால் அது லட்சக்கணக்கான வருடங்களுக்கு ஒருமுறைதான் வரும். அதை விடுவோம்.
போப் கிரகரி

ரோமானியர்கள் பயனபடுத்திய ஜூலியன் கலண்டரில் 10 மாதங்களே இருந்தன. ஜூலை மட்டும் ஓகஸ்ட் மாதங்கள் ஜூலியஸ் மற்றும் ஒகஸ்டஸ் சீசர்களின் ஞாபகமாக பின்னர் இணைக்கப்பட்டது.

மாதம்
லத்தின் பெயர்
காரணம்
ஜனவரி
Januarius
ஜனஸ் என்ற கடவுளின் பெயரால்
பெப்ரவரி
Februaris
பெப்ருவா என்கிற பண்டிகையின் பெயரால்.
மார்ச்
Martius
மார்ஸ் கடவுளின் பெயரால்
ஏப்ரல்
Aprilis
அப்ரோடிட் கடவுளின் பெயரால்
மே
Maius
மையா கடவுளின் பெயரால்
ஜூன்
Junius
ஜூனோ கடவுளின் பெயரால்
ஜூலை
Julius
ஜூலியஸ் சீசரின் பெயரால். (பொ ச மு. 44 லிருந்து.அதற்கு முதல் ஐந்தாவது மாதமாக குவிண்டஸ் என அழைக்கப்பட்டது.
ஓகஸ்ட்
Augustus
அகஸ்டசின் பெயரால். (பொ ச மு. 8 லிருந்து.) அதற்கு முதல் ஆறாவது மாதமாக செக்ஸ்ட்டஸ் என அழைக்கப்பட்டது.
செப்டெம்பர்
September
ஏழாம், எட்டாம், ஒன்பதாம், பத்தாம் மாதங்கள் என, செப்டம், ஒக்டம், நவம், டிசம் என அழைக்கப்பட்டது. (முந்தைய கலண்டரில் பத்து மாதங்களே இருந்தன.)
ஒக்டோபர்
October
நவம்பர்
November
டிசம்பர்
December



ஜனஸ் என்கிற கடவுள், கதவுகளின் தெய்வமாகும். புதிதாக திறப்பது, தொடங்குவது என்பவற்றின் தெய்வம், அது. அதனால்தான் வருடத்தை தொடங்கும் மாதத்தின் பெயராக அதை வைத்தார்கள். போப்பரசரால் அறிமுகப்படுத்தப்பட்ட கலண்டரிலும் ஜூலியன் கலண்டரின் வழக்கங்களே பயன்பட்டன. அதன்படி வருடத்தின் முதல் நாளாக ஜனவரி முதல் திகதி எடுக்கப்பட்டது. அது ஐரோப்பிய நாடுகள் பலவற்றில் பின்பற்றப்பட்டு, பின்னர் உலகளவில் பொதுவாகி இன்று அந்தக் கலண்டரை பயன்படுத்தாதவர்களும் கொண்டாடப்படும் புதுவருடமாக ஆகி இருக்கிறது.

புதுவருடம் : சில உபயோகமற்ற தகவல்கள்...
·         ஏனைய கொண்டாட்டங்களை விடவும், புதுவருடக் கொண்டாட்டங்களின் போதே அதிகளவில் திருட்டுக்கள் நடக்கின்றன.
·         புதுவருடம் என்பதே உலகத்தின் மிகப் பழமையான விடுமுறைக் கொண்டாட்டமாகும். நான்காயிரம் வருடங்களுக்கு முதல் பாபிலோனில் இது கொண்டாடப்பட்டதற்கு ஆதாரங்கள் கிடைத்துள்ளன. (கி மு 1750  காலப்பகுதியில் இவர்கள் தயாரித்த கலண்டரானது ஏறத்தாள இப்போதைய கலண்டரை ஒத்தது. 12மாதங்கள்,  29நாட்கள், 30நாட்கள் கொண்டதாக அடுத்தடுத்து வரும் மாதங்கள் என அது இருந்தது.)
·         ஜனவரி முதல் திகதி என்பது எழுமாற்றாக தேர்வான நாள்தான். கி மு நூற்றைம்பதில் இருந்தே இந்தத் திகதிதான் புதுவருடமாக ஏற்றுக் கொள்ளப்பட்டு வருகிறது.
·         தென்னமரிக்காவின் சில நாடுகளில் புதுவருடக் கொண்டாட்டங்களின் பொது மஞ்சள் உள்ளாடை அணிவது பாரம்பரியமாக உள்ளது. அதுவும் சரியாக நள்ளிரவு பன்னிரண்டு மணிக்கு மஞ்சளுக்கு மாறினால் அது பேரதிர்ஷ்டத்தை தருமாம். இன்னும் கொடுமை என்னவென்றால், மெக்சிகோ பெண்கள் அந்த வேளையில் மஞ்சள் உள்ளாடை அணிந்த ஆண்களை கண்டால், தங்கள் எதிர்காலம் அதிர்ஷ்டவசமாக அமைவதற்காக அவர்களை திருமணம் செய்ய தேர்ந்தெடுப்பார்களாம்.
·         சிலியில் புதுவருடம் பிறக்கும்போது இறந்த உறவினர்களின் சமாதிகளை வணங்குவது வழக்கம். அப்போது அவர்களின் ஆவி நன்மை செய்யும் என்பது ஐதீகம். ஆவி எப்போது வரும் என்பது தெரியாது என்பதால், முதல்நாளே கதிரை போட்டுவிட்டு இடுகாடுகளில் காத்திருப்பது அங்கே வழமை.
·         இன்றுமுதல் பல்லு விளக்குவேன், இனி ஒழுங்காக மூச்சா போவேன் என அவரவர் தகுதிக்கேற்ப புதுவருடத்துக்கு சபதம் எடுப்பதும், வருடம் தொடங்கி பத்தே நாட்களில் அதை கைவிடுவதும் வழமை. இந்தப் பழக்கம் நாலாயிரம் வருடங்களுக்கு முன்னர் பபிலோனிலேயே ஏற்பட்டுவிட்டது.
·         பெல்ஜியத்தில், புதுவருடம் பிறக்கும் நள்ளிரவில், மிருகங்களை எழுப்பி புதுவருட வாழ்த்து சொல்லுவது வழமை.

ஆங்கில புதுவருடம் என்று அழைத்துவிட்டு, அதற்கு இந்துசமயத்தின் ராசிபலன் எழுதுவது இந்துக்களின் வழமை.


கிறிஸ்மஸ் போலவே, ஆங்கில புதுவருடமும் உலகம் முழுவதும் கொண்டாடுவதால் கொண்டாடுவோம் எனக் கொண்டாடுவதில்லை. என்னதான் நமக்கென்று தமிழ் வருடக் கணக்கு இருந்தாலும், அது உண்மையிலேயே பாரம்பரியமானது இல்லை. (தமிழ்வருடப்பிறப்பு, அதன் கூத்து, குத்து பற்றி அறிய இங்கே மவுசை வைத்து ஒரு நசிநசிக்கவும்.) அத்தோடு, ஆங்கிலேயர்களின் ஆட்சிக்குள்ளேயே அனைத்து நிர்வாக முறைகளும் நமக்கு பழக்கமானதால், நாம் ஆங்கிலக் கலண்டர் என்கிற பெயரில் கிரகேரியன் கலண்டரை பயன்படுத்துவது தவிர்க்க முடியாதது என்பதுடன் தவிர்க்கத் தேவையில்லாதது. உலகத்தின் அனைத்து நிர்வாக நடவடிக்கைகளும் கிரகேரியன் கலண்டரின் அடிப்படையிலேயே மேற்கொள்ளப் படும்போது நாம் மட்டும் கிருஷ்ணரும் நாரதரும் புணர்ந்ததை வைத்து காலத்தை ஓட்ட முடியாது.

ஆனால், இங்கிலிசுக்கு ஆறு, தமிழுக்கு முப்பத்தொண்டு என்று நம்மூர் கிழவிகள் சலம்புவதை தவிர்க்க முடியாது. தமிழ் தமிழ் என்று பினாத்தி, ஊரோடு ஒத்து வாழ் என்கிற தமிழர் பாரம்பரியத்தை மறக்கிறோம்.

புதுவருடம் என்பது மதம், மொழி கடந்தது.      அது ஒரு பழக்க வழக்கத்தால் வந்த கொண்டாட்டம் அல்ல. நாங்கள் பின்பற்றும் ஒரு வழமை சம்பந்தப்பட்டது. இதிலே வேறு எதற்கும் இடமில்லை.
புதுவருட வாழ்த்துக்கள்.
(நீதுஜன் பாலா)

Sunday, 30 December 2012

டெல்லி பெண்ணின் நண்பனின் பேட்டி- நடந்தது என்ன?



'நாங்கள் மீள்வோம் என்று தெரியும், அவர்கள் என்னை சாலையில் ‌வீசும் போது வலியையும் மீறி நான் கூறிய வார்த்தைகள், 'உ‌ன்னை தனியாக து‌ன்புறவிடமாட்டேன் என்பது தான். சாலையில் தூக்கி வீசப்பட்ட போது தோழியின் அலறல் என்னை கொன்றே விட்டது'' டெல்லி‌யி‌ல் ஓடு‌ம் பேரு‌ந்‌தி‌ல் மாணவி கற்பழிக்கப்பட்ட போது உடன் இருந்த ந‌ண்ப‌ர் இ‌வ்வாறு உரு‌க்கமாக கூ‌றியு‌ள்ளா‌ர்.

வார இதழ் ஒன்றுக்கு மாண‌வி‌யி‌ன் ந‌ண்ப‌ர் உருக்கமாக பேட்டி அளித்துள்ளார். இதோ:- நான் அந்த நிகழ்வின் மு‌க்‌கிய சாட்சி. அந்த அசாதாரண சூழலில் பாதிக்கப்பட்ட பெண்ணின் ந‌ண்பனாக அந்த இடத்தில் சமூகத்தை நினைத்து தலைகுனிய வைத்தது அந்த மோசமான இரவு. நான் இப்போது அந்த சம்பவத்தை மீண்டும் நினைத்து பார்க்க விரும்பவில்லை. எனினும் தொடர்பான சாட்சியத்தை என் மனசாட்சிக்கு உட்பட்டு காவல்துறையிடம் அளித்துவிட்டேன்.

அசம்பாவிதத்தில் கடுமையாக தாக்கப்பட்ட நான் தற்போது உடல் தே‌றியு‌ள்ளே‌ன். காயங்கள் பலம் என்பதால் அதிலிருந்து விடுபட சில நாட்கள் ஆகும். ஆனால் என் தோழிக்கு ஏற்பட்ட பாதிப்புகள், கோரங்கள் என்றும் மாறாது, அழியாது.

என் தோழி குறித்து என்னால் எதுவும் பேசவோ கருத்து தெரிவிக்கவோ முடியவே இல்லை. அதை நினைத்தாலே அதிர்ச்சியாகவும், நம்பவே முடியாத அளவிலும் உள்ளது.

மருத்துவமனையில் என் தோழியை பார்க்க இரண்டு முறை சென்றேன். முதல் முறை அவர் சோர்ந்து இருந்தார். இர‌ண்டாவது முறை சென்றபோது, கண் விழித்து என்னை பார்த்தார். அவர் பேசியது, '' காம வெறியர்களை பிடித்துவிட்டார்களா'' நான் தலை அசைத்ததும், இதிலிருந்து மீள போராட போகிறேன் என்றார்.

அவர் போராடுவேன் என்று கூறியது குற்றவாளிகளை தண்டித்து வெற்றியடைவேன் என்பது தான். தலைமறைவா௦ன முக்கிய குற்றவாளி கைது செய்யப்பட்டதை கேட்டு அவர் மிகவும் பலமுடன் காணப்பட்டார்.

ஆனால் அந்த ஆறு பேரில் ஒருவர் ஒரு மைனர் என்பதால் அவருக்கு முழுமையான தண்டனை கிடைக்காதோ என்று பயந்துவிட்டதாக கூறினார். ஆனால் மைனர் என்றாலும் குற்றத்திற்கான தண்டனை கிடைத்தே தீர வேண்டு‌ம் எ‌ன்றா‌ர்.

மேலும் அவரிடம், நீங்கள் மட்டும் ஆறு பேருடன் சண்டையிட்டு பின்னர் தாக்கி வெளியே வீசப்பட்டு சாலையில் ம‌ற்றவ‌ர் உதவியை நாடியிருந்த வேளையில், உங்கள் மனதில் என்ன இருந்தது? என்று கேட்ட கேள்விக்கு அவர் கூறிய பதில்,

நாங்கள் மீள்வோம் என்று தெரியும், அவர்கள் என்னை சாலையில் ‌வீசும் போது வலியையும் மீறி நான் கூறிய வார்த்தைகள், 'உ‌ன்னை தனியாக து‌ன்புறவிடமாட்டேன் என்பது தான். சாலையில் தூக்கி வீசப்பட்ட போது தோழியின் அலறல் என்னை கொன்றே விட்டது.

ஆனால் சாலையில் விழுந்தபோது யாரும் உதவ மு‌ன்வரவில்லை. அங்கு யாரும் முதலில் இல்லை, நிர்‌க்கதியில் இருந்தோம். அது தான் உண்மை.

சமுதாயத்திற்கு ஒன்று கூற வேண்டும், எல்லோரும் இந்த விஷயத்தில் நிலைமையை எதிர்நோக்கும் போது மக்கள் அனைவரும் எழுந்து நிற்க வேண்டும். நாம் போராட வேண்டும், பாதிக்கப்பட்டவர்கள் எந்த நேரத்திலும் அமைதியுடன் போராட முடியாது. அமைதியுடன் போராடுவது இயலாது. இது போன்ற விஷயங்களை மக்கள் எதிர் நோக்க வேண்டும் என்று வலியுறுத்துகிறேன் எ‌ன்று அ‌ந்த மாண‌‌வி‌யி‌ன் ந‌ண்ப‌ர் உரு‌‌க்கமாக கூ‌றியு‌ள்ளா‌ர்.

 நன்றி-tamil.webdunia.com







பாதிப்புக்குள்ளாகி இறந்தபெண்ணின் பெயரைக்கூட வெளியில் விடமாட்டோம் என்று கூறியதால்தான் டாமினி என்ற புனைபெயரை மக்கள் அப்பெண்ணிற்கு சூட்டினார்கள். நிலமை இப்படி இருக்க பேஸ்புக்கில் அவரது போட்டோ என போலி போட்டோக்கள் உலாவுகின்றன.
 இது போலி என்பதற்கான ஆதாரம்

Posted On Wednesday, September 7, 2011 By Doctor.


http://education.intoday.in/story/noida-cops-face-flak-for-revealing-identity-of-rape-victim/1/175657.html

அதோடு 2012 feb இல் வேறு ரேப் கேஸில் கைதான கைதிகளை இந்த கேஸில் கைதான கைதிகள் எனக்கூறி இப்போது அதுவும் பகிர்ந்துகொள்ளப்படுகின்றது
 போலி என்பதற்கு ஆதாரமான லிங்க்
http://education.intoday.in/story/noida-cops-face-flak-for-revealing-identity-of-rape-victim/1/175657.html

லைக் வாங்குவதற்கு இதையுமா பயன்படுத்தவேண்டும்..


Saturday, 29 December 2012

டெல்லி கற்பழிப்பு-உண்மையில் பெண் என்ன செய்தார்?


வன்புணர்வில் ஈடுபட்ட முக்கிய குற்றவாளியான ராம்சிங்க்..இரும்புத்தடியால் அப்பெண்ணின் பிறப்புறுப்பை தாக்கினாந்என்றுதான் இதுவரை செய்திகள் வெளிவந்தன.ஆனால் அவர் அதை தன் கையாலேயே செய்திருக்கின்றார்.அப்பெண்ணை இருதடவைகள் வன்புணர்வுக்கு ஈடுபடுத்தியபின் கையால்கர்ப்பப்பையை வெளியே இழுத்து பிடுங்கி பஸ்ஸிற்கு வெளியே வீசியுள்ளான்.பின்னர் பெண்ணை வீசியுள்ளான்.அப்பெண் வாக்குவாதத்தில் ஈடுபட்டபின் அந்த நபர்களை அடித்துள்ளார் இந்தக்கோபத்திங்காரணமாகத்தான் இதை செய்துள்ளார்கள்.
சம்பவம் நடைபெற்றதற்கு அடுத்த தினம் போலீஸ் கர்ப்பப்பையை கைப்பற்றியுள்ளது.


Friday, 28 December 2012

டெல்லியில் வன்புணர்வுக்கு உட்படுத்தப்பட்ட பெண் மரணமடைந்தார்


டெல்லியில் ஓடும் பஸ்ஸில்  வன்புணர்வுக்கு உட்படுத்தப்பட்டு  தீவிரசிகிச்சைக்கு உட்படுத்தப்பட்டிருந்த 23 வயதை உடைய பெண் சனிக்கிழமை காலை 4:45  இற்குமரணமடைந்தார்.Mount Elizabeth Hospital இன் சீஃப் Dr. Kelvin Loh இதை உறுதிப்படுத்தினார்.
அவர் மேலும்கூறியதாவது
மிக கவலைக்குரிய நிலையில் வியாழனன்று சிங்கப்பூர் வைத்தியசாலையில் அனுமதிக்கப்பட்டார்.வெள்ளியன்று நிலமை மேலும் மோசமடைந்தது.அவரது உடலின் உறுப்புக்கள் பல சேதமடைந்திருந்தன மூளையும் பாதிப்படைந்திருந்தது.அவர் பழைய நிலைக்கு மீளுவதற்கு மிகவும் போராடினார் ஆனால் உடல் அதற்கு ஒத்துழைக்கவில்லை.

இறந்த பெண்ணின் பெயர் வெளியிடப்படவில்லை.இவருக்காக போராடியவர்கள் இவருக்கு"Damini" என்று பெயர் சூட்டியுள்ளார்கள்.டாமினி என்றால் lightning என்று அர்த்தம்.

Prime Minister Manmohan Singh தனது ஆழ்ந்த இரங்கலை வெளிப்படுத்தியுள்ளார்.
I am deeply saddened to learn that the unfortunate victim of the brutal assault that took place on December 16 in New Delhi has succumbed to the grievous injuries she suffered following that attack. I join the nation in conveying to her family and friends my deepest condolences at this terrible loss.

I want to tell them and the nation that while she may have lost her battle for life, it is up to us all to ensure that her death will not have been in vain. We have already seen the emotions and energies this incident has generated. These are perfectly understandable reactions from a young India and an India that genuinely desires change. It would be a true homage to her memory if we are able to channelize these emotions and energies into a constructive course of action.

The need of the hour is a dispassionate debate and inquiry into the critical changes that are required in societal attitudes. Government is examining, on priority basis, the penal provisions that exist for such crimes and measures to enhance the safety and security of women. I hope that the entire political class and civil society will set aside narrow sectional interests and agenda to help us all reach the end that we all desire – making India a demonstrably better and safer place for women to live in.

I pray for the peace of the departed soul and hope that her family will have the strength to bear this grievous loss.

அமிதப்பச்சன் ருவிட்டரில் தனது இரங்கலை வெளிப்படுத்தியுள்ளார்.

Amanat', 'Damini' just a name now .. her body has passed away, but her soul shall shall forever stir our hearts !!!
இந்திய அரசாங்கம் குற்றவாளிகளின் பெயர் போட்டோ விலாசங்களை தனது உத்தியோகபூர்வ தளங்களில் வெளியிட இருப்பதாக அறிவித்துள்ளது.




கற்பழிக்கும்போது பெண்கள் ஒத்துழைக்கவேண்டும்

Thursday, 27 December 2012

கற்பழிக்கும்போது பெண்கள் ஒத்துழைக்கவேண்டும்


டெல்லியில் ஓடும் பஸ்ஸில் இரவில் தனது நண்பனுடன் பேருந்தில் பிரயாணம் செய்த 23 வயதுப்பெண் 6 நபர்களால்  மாறி மாறி கற்பழிக்கப்பட்டாள்.அவருடன் வந்த ஆண் நண்பரும் இரும்புக்கம்பியால் தாக்கப்பட்டார்.கற்பழித்ததோடு நிற்காமல் அந்தப்பெண்ணின் குடலை இரும்புத்தடியால் சிதைத்துள்ளார்கள் கற்பழித்த மிருகங்கள்.குடல் சிதைந்ததன் காரணமாக குடலின் பெரும்பகுதி அறுவைச்சிகிச்சையின் மூலம் அகற்றப்பட்டுள்ளது.6 தடவை சத்திரசிகிச்சை செய்துள்ளார்கள்.தீவிரசிகிச்சைக்குப்பின் அந்தப் பெண் மருத்துவமனையில் இடையிடையே கண் விழித்து  நினைவுவரும்போதெல்லாம் குற்றவாளிகள்ளை கண்டுபிடித்துவிட்டீர்களா?அவர்களுக்கு தண்டனை கொடுக்கவேண்டும் என்று எழுதிக்காட்டியுள்ளார்.

கற்பழிப்புக்கு எதிர்ப்புத்தெரிவித்து 18 ஆம் திகதி டெல்லியில் போராட்டம் நடைபெற்றது.போராட்டம் நடத்தியவர்கள் கலைந்துசெல்லாததால் போலீஸ் கண்ணீர்புக்கைக்குண்டு மூலம் கூட்டத்தைக்கலைத்திருக்கின்றார்கள்.கற்பழித்த ஆறுபேரும் போலீஸாரால் கைதுசெய்யப்பட்டார்கள்.கற்பழித்ததற்கு அவர்கள் கூறிய காரணம் எம்முடன் வாக்குவாதத்தில் ஈடுபட்டாள் அவளுக்கு பாடம்புகட்டவே நாம் கற்பழித்தோம்.அவர்களுள் ஒரு குற்றவாளியான வினய் ஷர்மா தன்னைத்தூக்கிலிடுமாறு கதறியுள்ளாராம்.

இன் நிலையில் இக்கற்பழிப்பு தொடர்பாக லயன்ஸ்கிளப் ecretaryயான Shukla ஒரு புரட்சிகரமான கருத்தை முன்வைத்துள்ளார்.இரவு 10 மணிக்குப்பின் ஏன் அவள் வெளியே போனாள்?அவள் தன் போய் பிறண்டுடன் வெளியே சென்றதுதான் கற்பழிப்புக்குக்காரணம்.The victim should have surrendered when surrounded by six men, at least it could have saved her intestines'. 6 நபர்கள் அவளை சூழ கற்பழிக்கமுனையும்போது அதை அனுமத்தித்து அடங்கியிருந்தால் குடலாவது தப்பித்திருக்கும். என்று கூறியிருக்கின்றார் Shukla.இனிவரும் காலத்தில் யாராவது பெண்ணை கற்பழிக்கமுயன்றால் அப்பெண் அதற்கு பூரண ஒத்துழைப்பு வழங்கவேண்டும்  அப்படித்தானே? பாதிக்கப்பட்ட பெண்ணிற்கு போலியான இரங்கலை வெளியிட்டால்கூட மன்னிக்கலாம் அதற்காக  ஏன் இப்படி அவமானப்படுத்தவேண்டும் என்று புரியவில்லை. நல்லவேளை இவர் நேரில் சென்று அந்தப்பெண்ணை பார்க்கவில்லை பார்த்திருந்தால் அப்பெண்ணிடமே இதைக்கூறி அவரை குற்றவாளி ஆக்கியிருப்பார்.
இது தொடர்பான செய்தி..

Continuing with her blames she said, ‘Women instigate men to commit such crimes'. She also raised that why was the victim out of her house after 10 pm and added that if a girl will wander late at night with her boyfriend; such situations are bound to happen. 
In a strange reaction to such comments, most of the senior officials remained silent. Shukla asserted that police cannot give extreme protection to every citizen at all times. She commented, ‘The victim should have surrendered when surrounded by six men, at least it could have saved her intestines'.

இச்சம்பவம் தொடர்பாக ஞாநி உருக்கமாக-விளக்கமாக ஒரு பதிவிட்டிருந்தார்.

உன் உடல் உனக்குச் சொந்தமில்லை என்றுதான் நாங்கள் உன்னைப் போன்ற பெண்களிடம்  காலம் காலமாக கற்றுத் தந்திருக்கிறோம். அது ஆணுக்கானது. அதற்குரிய ஆண் வரும்வரை பத்திரமாக வைத்திருந்து அவனிடம் ஒப்படைப்பதையே பெற்றோரின் மகத்தான கடமையாக குடும்பம் சொல்லித் தந்திருக்கிறது. அதனால்தான் என்ன உடை அணியவேண்டும், எங்கே எந்த நேரத்தில் போக வேண்டும், எப்படி ஆணுக்குள் எப்போதும் காத்திருக்கும் காமப் பிசாசை உசுப்பிவிட்டுவிடக் கூடாது என்றெல்லாம்  உனக்கு -  உங்களுக்கு கட்டளைகள் போட்டு வந்திருக்கிறோம். ஆண் குடிக்கலாம். ஆண் சிகரெட் பிடிக்கலாம். ஆண் எது வேண்டுமானாலும் செய்யலாம். ஆனால், நீ — நீ ஒரு பெண் – செய்யக்கூடாது என்று மிரட்டி வந்திருக்கிறோம்.
நியாயப்படி பெண்ணை சக மனுஷியாக, தன்னைப் போலவே சிந்திக்கக் கூடிய, செயல்படக் கூடிய ஆற்றல் உடைய இன்னொரு உயிராகப் பார்க்கவும் மதிக்கவும் எங்கள் ஆண்களுக்கு எங்கள் குடும்பங்கள் சொல்லித் தந்ததே இல்லை. அப்பா எதிரிலே பேசவே மாட்டோம் என்றால் அது ‘மரியாதை’ தெரிந்த குடும்பம்.
பெண் காமத்துக்கானவள். பெண் குழந்தை வளர்ப்பதற்கானவள். பெண் ஆணின் இச்சைகளை பூர்த்தி செய்வதற்கானவள்.  இதைத் தவிரவும் ஒரு பெண் வேறு ஏதாவது அவள் விருப்பப்படி செய்ய முடிந்தால், அது அவளின் உரிமையாளனாகிய ஆணின் பெருந்தன்மையையே காட்டும் என்றே நாங்கள் உங்களை நம்பவைத்தோம்.
குடும்பம் வார்த்திருக்கும் இந்தப் பார்வையை தொடர்ந்து உரம் போட்டு வளர்த்து உறுதி செய்வதையே தங்கள் தலையாய பணியாக, பத்திரிகைகள், சினிமா, தொலைக்காட்சி என்று எல்லா ஊடகங்களும் செய்து வந்திருக்கின்றன. பெண்ணின் உடல் அழகிப்போட்டி முதல் பத்திரிகை அட்டை வரை,  சீட்டுக்கட்டு முதல் சினிமா வரை எல்லா இடங்களிலும் ஆணுக்கான போகப்பொருளாகவே அழுத்தந்திருத்தமாக வரையறுக்கப்பட்டு விட்டது.  பொறுக்கித்தனம் செய்பவன்தான் கதாநாயகன். அவனுக்காக உருகுபவள்தான் கதாநாயகி என்ற கருத்தை வலியுறுத்தும் படங்களுக்கு தேசிய விருது கொடுத்து கௌரவிப்பவர்கள் நாங்கள்.

அதை முழுமையாகப்படிப்பதற்கு  லிங்க்


பேஸ்புக்கிலும்,வலைப்பூக்களிலிலும் இச்சம்பவம் அதிர்வலைகளை ஏற்படுத்தியிருந்தது.இதுதொடர்பாக ஸ்ரேட்டஸ்கள்,பதிவுகள் பல வெளிவந்தன.அவற்றில் ஒரு ஒற்றுமையினை என்னால் அவதானிக்கமுடிந்தது.
பெரும்பாலானவற்றில் ஒற்றுமையாக இருந்தவை
1)இரவில் அந்தப்பெண் வெளியே சென்றிருக்கக்கூடாது
2)அப்பெண் கற்பழிப்பைத்தூண்டும் வகையில் உடைகளை அணிந்திருந்தாளா?
3)கூடச்சென்ற  போய் பிறண்ட் உண்மையில் யார்?
4)பெண்கள் இல்லாத பஸ்ஸில் 6 ஆண்கள் மட்டுமே இருந்த பஸ்ஸில் ஏன் ஏறினாள்?
5)கற்பழித்தவனை விட கற்பழிக்கத்தூண்டியவளுக்கு அதிக தண்டனை கொடுக்கவேண்டும்
இப்படியெல்லாம் விவாதங்கள் ஒரு புறம் இருக்க.இச்சம்பவத்தைப்பயன்படுத்து ஒரு சிலர் வழக்கம்போல் இதனூடாக தமது அன்றாட கருமமான மதம் பரப்பும் பிரச்சார வேலையையும் செய்துகொண்டார்கள்.யாரை சொல்கின்றேன் என்று உங்களுக்கே தெரியும்.

மேலே விவாதிக்கப்பட்ட கேள்விகள்மூலம் என்ன கூறவருகின்றார்கள்.

//1)இரவில் அந்தப்பெண் வெளியே சென்றிருக்கக்கூடாது
2)அப்பெண் கற்பழிப்பைத்தூண்டும் வகையில் உடைகளை அணிந்திருந்தாளா?
3)கூடச்சென்ற  போய் பிறண்ட் உண்மையில் யார்?
4)பெண்கள் இல்லாத பஸ்ஸில் 6 ஆண்கள் மட்டுமே இருந்த பஸ்ஸில் ஏன் ஏறினாள்?//

ஒரு பெண் இரவில் தனியாக சென்றால் அவளைக்கற்பழிப்பதற்கான அனுமதி உரிமை அனைத்து ஆண்களுக்கும் வழங்கப்பட்டுள்ளது.ஒரு பெண் செக்ஸியாக கற்பழிப்பைத்தூண்டும் வகையில் ஆடை அணிந்தால் யாரும் அவளைக்கற்பழிக்கலாம்.கற்பழிக்கப்பட்ட பெண் கற்பழிக்கப்பட்டபின்  உயிர்தப்பினால் அவளுக்கு அதிக தண்டனை கொடுக்கவேண்டும்.கற்பழித்தவனுக்கு ஆயுள் தண்டை என்றால் கற்பழிக்கப்பட்டவளுக்கு தூக்குத்தண்டனை.

மேலே கேட்கப்பட்ட கேள்விகள் மறைமுகமாக என்ன கூறவருகின்றன என எனக்குவிளங்கியவை இவைகள்தான்.
அந்தக்கேள்விகளுக்கு என்னிடமும் கேள்விகளே உள்ளன

அமெரிக்கா போன்ற நாடுகளில் உள்ள பீச்களில் பெரும்பாலான பெண்கள் பிகினியுடன் அரையும் குறையுமாக(சில இடங்களில் நிர்வாணமாக) கடலில் குளித்துக்கொண்டோ கரையில் உலாவிக்கொண்டோ இருப்பார்கள்.அங்கே கேள்விகேட்ட தனவான்கள் சென்றால் உடனே காய்ந்த மாடு காம்பில் பாய்வது போல் பாய்ந்துவிழுந்து அங்கிருக்கும் பெண்களை கற்பழித்துவிடுவீர்களா?உங்களால் முடியாது.அங்கு உணர்ச்சிகளை அடக்கிக்கொண்டு/பொத்திக்கொண்டு நிற்கவேண்டியதுதான்.
சாதாரணமாக எமது ஆசிய சமய,கலாச்சார ஆடைகளையே தொடர்ந்து பார்த்துவந்த எமக்கு சற்று செக்ஸியான(பிகினி அல்லாத) ஆடைகளுடன் ஒரு பெண்ணைப்பார்த்ததும் அவளை கற்பழிக்க முயல்கின்றோம் என்றால் ஏன் எங்களால் அமெரிக்காவில் அந்த செயலை செய்யமுடியவில்லை.
போலீஸ் பிடித்து நொங்கெடுத்துவிடும் என்ற பயம்தான் காரணம் என்றால் இங்கு ஏன் அந்தப்பயம் வேலை செய்யவில்லை.
கலாச்சாரக்காவலர்கள்  பாதுகாப்பளிப்பார்கள் என்ற நம்பிக்கையா?

டெல்லி மாணவி கற்பழிக்கப்பட்டதி தொடர்பாக யாராவது பேஸ்புக்கில் ஸ்ரேட்டஸ் பகிர்ந்துகொண்டால் உடனேயே பின்னால் கேள்விகள் எழுகின்றன.டெல்லியில் பெண் கற்பழிக்கப்பட்டதால் போராடுகின்றார்கள் தமிழ் நாட்டில் பெண்கள் கற்பழிக்கப்பட்டபோது எங்கே இருந்தீர்கள்,ஈழத்தில் பெண்கள் கற்பழிக்கப்படும்போது எங்கேயெடா போய் இருந்தீர்கள்.

இங்கே ஒரு பெண் கற்பழிக்கப்பட்டாள் என்ற விடய்த்தைத்தவிர ஏனைய அனைத்துவிடயங்களும்தான் முக்கியம் என கூவுகின்றார்கள்.ஈழம்,டெல்லி மாத்திரமல்ல உலகெங்கிலும் பெண்கள் கற்பழிக்கப்பட்டிருக்கின்றார்கள்.கற்பழிக்கப்பட்டுக்கொண்டிருக்கின்றார்கள்.அமெரிக்காவில் மட்டும் ஒரு மணித்தியாலத்திற்கு 78 பெண்கள் கற்பழிக்கப்படுகின்றார்கள்.

இந்தியா கேட் அருகே பெண்கள் உரிமை அமைப்பினர் நடத்திய ஆர்ப்பாட்டத்தில் ஒரு இளம் பெண் ஏந்தி இருந்த தட்டியில் இடம் பெற்ற வாசகங்கள் இது :

" IF I AM A WOMEN AND IF I WALK NUDE ON THE ROAD , THEN ALSO U DON'T HAVE ANY RIGHT TO RAPE ME ! "
உடனே ஆரம்பித்தார்கள் பேஸ்புக் கலாச்சாரக்காவலரக்ள்.இதைக்கூற பெண்ணுக்கு எந்த உரிமையும் இல்லை.கலாச்சாரத்தை மீறும் செயல் என்று.
பேஸ்புக்கின் இன்றைய நிலை இதுவேதான்.சொல்லவந்த விடயம் என்ன என்பது தொடர்பாக யாரும் அலட்டுக்கொள்வதாக தெரியவில்லை. நிர்வாணமாக சென்றால்கூட என்னைத்தொடுவதற்கு அனுமதி இல்லை என்ற கூற்றை ஆதரிப்பதன் பொருள் ஒரு பெண்ணை நிர்வாணமாக வீதியில் செல்ல நான் ஆதரவளிக்கின்றேன் என்பதல்ல.

ஒட்டு மொத்தமாக கலாச்சாரம்,சமயம் என்ற போர்வையில் வெளிப்படும் ஆணாதிக்க சிந்தனைகளின் தோற்றப்பாடுகளாகவே பேஸ்புக்,சில பல வலைப்பூக்களின் பதிவுகள் தெரிகின்றன.சுய கட்டுப்பாடு என்ற வார்த்தையை ஒட்டுமொத்தமாக பெண்களுக்கே தாரைவார்த்துக்கொடுத்துவிட்டோம்.

செக்ஸியாக உடைஅணிந்து வெளியே செல்லும் பெண்கள்தான் பாலியல் தொந்தரவுக்கு ஆளாகின்றார்களா?

வீட்டில் சொந்த இரத்த உறவுகளாலேயே பாலியல் தொந்தரவுக்கு உட்படுத்தப்படும் பெண்கள் இருக்கிறார்களே?தந்தையே மகளைக்கற்பழித்த கதைகளை நாம் செய்திகளாக கேள்விப்பட்டதில்லையா?இவற்றிற்கெல்லாம் செக்ஸியாக அணியும் உடைதான் காரணம் என்று கூறமுடியுமா?


பாலியல் தொடர்பான விழிப்புணர்வு எட்டப்படாதவரை இவை தொடர்ந்துகொண்டுதான் இருக்கும்.இதற்கு ஒட்டுமொத்தமாக பெண்களைக்குற்றம்சாட்டி எந்த பயனும் இல்லை.குடும்ப,சமூகக்காரணிகள் இவ்வாறான ரேப்பிஸ்டுகளை ஆழ்மனதில்  உருவாக்கிக்கொண்டிருக்கின்றது.சந்தர்ப்பம் கிடைக்கும்போது அந்த ரேப்பிஸ்ட் முகமூடியை கிழித்துக்கொண்டு வெளியே வருகின்றான்.முக்கியமான எமது வாழ்வில் மிகவும் ஒன்றித்துவிட்ட சினிமாவையும் இங்கு குற்றவாளிக்கூண்டில் நிறுத்தமுடியும்.சிலவருடங்கள் முன்பு வரை சினிமா ஒருவன் தான் விரும்பிய பெண்ணை திருமணம் செய்ய ஆசைப்பட்டால் அவளை கற்பழித்தாலே போதும் என்று படிப்பித்துவந்தது.உடனே ஒரு பஞ்சாயத்து அதில் அப்பெண்ணை அவனே திருமணம் செய்யவேண்டும் என்று  தீர்ப்புக்கூறியது சினிமா.இன்னொன்றையும் கூறியது கற்பழிக்கப்பட்ட பெண் வாழ்வதை விட தற்கொலை செய்துகொள்வதுதான் சரியான முடிவு.ஹீரோ ஹீறோயினுக்கு செய்யும் ஹீரோயிஸமே பொறுக்கித்தனமாக இருந்தால் அதைப்பார்த்து எனக்கு விரும்பிய பெண்ணிடம் ஹீரோயிஸம் என்ற நினைப்பில் அவற்றை செய்யவைக்கின்றது சினிமா.

//பொறுக்கித்தனம் செய்பவன்தான் கதாநாயகன். அவனுக்காக உருகுபவள்தான் கதாநாயகி என்ற கருத்தை வலியுறுத்தும் படங்களுக்கு தேசிய விருது கொடுத்து கௌரவிப்பவர்கள் நாங்கள்.

ஞானி//


பெண்களின் உடைதொடர்பாக ஒரு விடயத்தை கூறமுடியும் எனக்குத்தெரிந்த ஒரு பழமொழி 
"கோவணம் கட்டாத ஊரில் கோவணம் கட்டுபவன் முட்டாள்" இதைப்புரிந்து நடந்துகொள்ளுங்கள்.

கற்பழிப்புக்கு என்ன தண்டனை கொடுக்கலாம்.ஈரான் போன்ற நாடுகளில் கொடுக்கப்படும் தண்டனைகள்.





மரணதண்டனை சரியாதவறா என்பது விவாதத்திற்குரிய தனி சப்ரர்.கமல் கூறியதுபோல் ஒரு காட்டுமிராண்டித்தனத்திற்கு இன்னொரு காட்டுமிராண்டித்தனம் சரியாகாது.கற்பழிக்கப்பட்டவள் எனது சகோதரி கற்பழிக்கப்பட்டவன் எனது சகோதரன்.அந்த பஸ் என்னுடையது என்றும் கூறாமுடியும்.ஆனால் உண்மையில் எனக்கு அவ்வளவு சகிப்புத்தன்மை இல்லை.

காஸாப்பின் தொக்குத்தண்டனை தொடர்பாக ஒரு நண்பர் பகிர்ந்துகொண்ட செய்தி


நோர்வே வரலாற்றிலேயே மோசமான கொலையாளியான ப்ரெய்விக் பிடிபட்ட பின்பு 'இன்னும் அதிகமானோரைக் கொல்ல முடியாமல் போனதற்காக வருந்துகிறேன்' என்றார். நீதிமன்றம் அவருக்கு 21 ஆண்டுகள் சிறைத் தண்டனையை அறிவித்தபோது மரண தண்டனைக்கு எதிராக நோர்வேக்காரர்கள் சொன்ன நியாயம் இதுதான்: ப்ரெய்விக் பைத்தியக்காரனாக இருக்கலாம்; ஒட்டுமொத்த நோர்வேயும் அப்படி இருக்க முடியாது! 

-Ilamaran Mathivanan


ஞானி  இன்னொன்றையும் கூறினார் "ஒவ்வொரு ஆணும் இன்னும் வாய்ப்பு கிடைக்காத ரேப்பிஸ்ட் என்ற நிலையை உருவாக்குவதையே நாங்கள் குடும்பம் தொடங்கி மீடியா வரை முயற்சித்துக் கொண்டிருக்கிறோம்."
(இதை ஞானி ஆண்களை ரேப்பிஸ்ட் என்று கூறிவிட்டார் என்று பேஸ்புக்கில் ஆரம்பித்துவிட்டார்கள்) ஞானி கூறியதை வைத்துப்பார்த்தால் my name is khan and i'm not a terrorist என்பதுபோல் i am a male and i am not a rapist என்று ஒவ்வொரு ஆணும் கூறுக்கொண்டு திரியவேண்டிய காலம் வந்துவிடுமோ?
ஞானியின் இச்சம்பவம் பற்றி எழுதிய பதிவில் Ganpat  என்பவரால் இடப்பட்ட கொமண்ட்


எங்கள் இஷ்டத்திற்கு ஒட்டு போட்டு(அல்லது ஓட்டே போடாமல்),திறமை,நேர்மையற்ற கயவர்களை ஆட்சிபொறுப்பில் அமர்த்துவோம்.

பிரசித்தி பெற்ற IAS,IPS அதிகாரிகள்,
அமைச்சர்கள்,வழக்கறிஞர்கள்,
மருத்துவர்கள் ,chartered accountants நிகழ்த்தும் ஊழல்கள்,கயவாளித்தனங்கள்,
பாலியல் குற்றங்கள் இவற்றை அசட்டை செய்து மறைமுகமாக ஊக்ககுவிப்போம்.

திரைப்படங்களில் வரும், பெண்களை இழிவு படுத்தும் காட்சிகளை,காவல் நிலையத்தில் நடைபெறும் கற்பழிப்பு காட்சிகளை, ரசித்துப்பார்ப்போம்.

தொலைக்காட்சி “ச்சீ”ரியல்களில் வரும் “கணவன் மனைவியை பெட்ரோல் ஊற்றி எரித்தல்”,”ஒரு பெண், ஹிட்லரை விட மோசமான குணநலங்களுடன் தன் புகுந்த வீட்டில் அனைவரையும் பழிவாங்கி கொலை செய்தல்” ஆகிய காட்சிகளை வருடக்கணக்கில்,குழந்தை குட்டிகளுடன் வரவேற்பறையில் அமர்ந்து ரசித்துப்பார்ப்போம்.

இதே சானல்களில், செய்திகள் என்ற போர்வையில் ஒரு போலி சாமியாரும் ஒரு நடிகையும் நிகழ்த்தும் லீலைகள் ஒளிபரப்பு செய்யப்பட்டால் சிரித்து மகிழ்வோம்.

16 வயது மகள்,40 வயது மனைவி சகிதம் ஒரு அநாகரீக குத்துப்பாட்டிற்கு திருமண நிகழ்வுகள்,சானல் நிகழ்ச்சிகளில் ஆபாச நடனம் ஆடி மகிழ்வோம்.

ஆனால்,ஆனால்…

இரவு,ஒரு யுவதி ஏதோ ஒரு பஸ்ஸில் ஏறி, அங்கு ஊர் பேர் தெரியாத ரவுடிகளால் தாக்கப்பட்டால் மட்டும் பொங்கி எழுவோம்.

Tuesday, 25 December 2012

கிறிஸ்மஸ் - ஜேசு பிறந்த நாள்தானா?




கிரிஸ்மஸ் என்பது ஒரு உலகளாவிய பண்டிகை என நம்பப்பட்டு வருகிறது. மத எல்லைகளைத் தாண்டி இது பெரும்பாலும் உலகத்தின் அனைவராலும் கொண்டாடப்படுகிறது. உண்மையாகவே இது அத்தனை மத சம்பந்தப்பட்ட விஷயம் இல்லை. ஆனால் அதற்காக நாம் கொண்டாடுவதால் பாதகமில்லை என்று எண்ணிக்கொள்ளாதீர்கள். அப்படி இருந்தால்கூடப் பரவாயில்லை. இது உண்மையில் காலநிலை சம்பந்தப்பட்ட பண்டிகை. டிசம்பர் மாதம் என்பது மேற்குலக நாடுகளின் அதி பனிப்பொழிவுக் காலம். சீசன். அந்த நேரத்திலே உருப்படியாக எதுவுமே செய்ய முடியாது என்பதால், மகிழ்ச்சிகரமாக ஏதாவது செய்வோம் என முடிவெடுத்துக் கொண்டாடுவதுதான் கிரிஸ்மஸ். உண்மையில் இது ஒற்றை நாள் தேவதூதன் பிறந்தநாள் கொண்டாட்டம் இல்லை. அந்தக் காலப்பகுதி முழுவதற்குமான மொத்தப் பண்டிகை. உண்மையில், இயேசு பிறந்தது டிசம்பரில் இல்லை, ஒக்டோபரில்தான் என ஒரு கதை காற்றிலே உலாவுகிறது. (அதுபற்றி பெரிதாக ஆதாரம் சிக்காததால் நான் மூக்கைக் கொடுத்து புண்ணாக்கிக்கொள்ள விரும்பவில்லை. J )

ஆங்கிலேயர்களால், அல்லது மொத்தமாக மேற்குலகத்தவர்களால், அவர்கள் நம்மை ஆண்டபோது கடத்தப்பட்ட கலாசாரம்தான் இந்தப் பண்டிகை. போதாததற்கு கிறிஸ்தவர்களின் போப்பான கிரகேரியால் தயாரிக்கப்பட்ட கிரகேரியன் கலண்டரைவேறு நாங்கள் பின்பற்றுவதால், அதன் வருடப்பிறப்புவேறு அந்தக் காலகட்டத்திலேயே வந்து தொலைவதால், அதேவேளை நமக்கு பனிப்பொழிவுதான் இல்லாவிட்டாலும் எதோ ஏழைக்கேற்ற எள்ளுருண்டையாக மழையாவது பெய்து தள்ளுவதால் அது நமக்கும் சீசனாக இருப்பதால், யேசுவேறு அந்தத் திகதியில் பிறந்தவர்தான் என நம்பப்படுவதால், எல்லாவற்றுக்கும் மேலாக, ஆங்கிலேயக் கலாசாரத்தின் மேலுள்ள விருப்பத்தால் நாங்கள் இந்தப் பண்டிகையை விமரிசையாகத்தான் கொண்டாடுகிறோம்.  தங்களை நாத்திகர்களாக சொல்லிக்கொள்பவர்களும், அந்தக் காரணத்தால் இந்துப் பண்டிகைகளை புறக்ணிப்பவர்க்களும்கூட கிரிஸ்மஸ்சை கொண்டாடுகிறார்கள். அல்லது கருணாநிதி போன்ற சோரம் போபவர்கள் வியாபாரத்துக்காகவும்  இதனை கொண்டாடுகிறார்கள். நாத்திகனாக என்னை நம்பிக்கொள்பவன் என்கிற அடிப்படையில் எனக்கு கிரிஸ்மஸ்ஸில் ஈடுபாடு இல்லை. இந்துவாகப் பிறந்தவன் நாத்திகனாக மாறினால் அவன் இந்துசமயத்தை மட்டும்தான் கழுவி ஊற்றவேண்டும், மற்ற மதங்களை மதிக்கவேண்டும் என்று இல்லை. ஆனால், ஒரு தத்துவவாதியாக நான் இயேசு கிறிஸ்துவை (இயேசு கிறிஸ்து என்பது அந்த மனிதரின் பெயரே இல்லை. யேஷுவா.) மதிக்கிறேன், அப்படி ஒரு மனிதர் பிறந்து வாழ்ந்ததை நம்புகிறேன். அந்த மனிதரின் பிறப்பாக எண்ணப்பட்டு கொண்டாடப்படுவதால், அது என்ன இழவாக இருந்தாலும், அதுபற்றி அலட்டிக்கொள்ளாமல் நாங்களும்  கொண்டாடித் தள்ளுவதை பொறுத்துத் தொலைந்தாலும், உண்மையாகவே அதனை கொண்டாடும் யோக்கியதை உள்ள பனிபொழியும் நாட்டுக்காரர்களின், தங்கள் தாய்மொழியிலேயே தங்களின் பெயரை வைத்துக்கொள்ளும் மனிதர்களின் வழக்கங்களை ஆராய்வோம்.

எதற்கும் இருக்கட்டும், அனைவருக்கும் கிறிஸ்மஸ் நல்வாழ்த்துக்கள்(தைப்பொங்கலை விட கிரிஸ்மஸ் முக்கியமான பண்டிகையாக இருக்கும் ஒரு சமூகத்தில் வாழ்வதற்காக வெட்கப்படாத யாருமே share if you are proud to be a Tamilan செய்யாதீர்கள். கிறிஸ்தவர்கள் தவறாகப் புரிந்துகொள்ள வேண்டாம். அடிப்படையிலே இரண்டுமே சீசனுக்கான பண்டிகைகள்தான். ஒன்று மதக் கலப்பில்லாமல் ஒட்டுமொத்த தமிழர்களுடையது, மற்றையது தமிழர்கள் அல்லாதவர்களுடையது.)



கிரிஸ்மசின் சில பாரம்பரியங்கள் புவியியல் கடந்து, வரலாறு கடந்து உலகளவில் பொதுவானவை. கிறிஸ்மஸ் மரம், கிறிஸ்மஸ் தாத்தா, பரிசுகள்... எல்லாமே வந்த பின்னணியை ஆராய்ந்தோமானால் கிறிஸ்மஸ் என்பது ஒரு தனிப்பட்ட பண்டிகை அல்ல, வெவ்வேறு காலகட்டத்தின் வெவ்வேறு பண்டிகைகளின் தொகுப்பு, சேர்ந்து காலப்போக்கில் உருவான ஒரு புதுப் பண்டிகையேயன்றி வேறில்லை என்பது தெளிவாகும்.


ஆரம்பகாலத்திலே தேவாலயங்களில் கொண்டாடப்பட்ட வருடாந்த விருந்தே கிறிஸ்மசாக இருந்தது. அந்த விழாவை கி பி 200 காலப்பகுதியில் கிறிஸ்துவின் பிறந்தநாளில் கொண்டாடலாமே என யோசித்தார்கள். அந்தக்காலத்தில் அறிவின் மையமாக இருந்த அலெக்சாண்டிரியாவின் சிந்தனையாளர்கள் அந்தப் பிறந்தநாள் மே 20 இல் வருவதாக கணித்தார்கள். அதிலிருந்து நூற்றெண்பது வருடங்களில் ரோமில், ஜூலியஸ் தலைமையில்  உலகளாவிய பல பிரதேசங்களின் காலப்பகுதியுடன் பொருந்துவதால் அதனை December 25 க்கு மாற்றினார்கள். உண்மையில், அந்த நாளானது ரோமர்களின் முக்கிய கடவுளான சூரியனின் பிறந்தநாளாகும். எனவே, சூரியன் பிறந்த நாளில்தான் ஜேசுவும் பிறந்திருக்க வேண்டும் என்கிற மொக்கையான லோஜிக்கின் அடிப்படையில்தான் அந்த நாளில் ஜேசு பிறந்ததாக நம்பப்படுகிறது என ஒரு கதை இருக்கிறது.

கிறிஸ்தவ மதத்தின் புனித நூலான பைபிளை ஜெர்மன் மொழியில் பெயர்த்தபோது மார்ட்டின் லூதர் கிங் (சீனியர். இவர், ‘அவர் அல்ல.) அதிலுள்ள மொக்கையான, நம்பமுடியாத, பிற்போக்கான தகவல்களை தவிர்த்தார். அதனால், அந்தப் புத்தகத்தை பின்பற்றுபவர்கள் கத்தோலிக்கர்களிருந்து வேறுபட்டார்கள். பழமையை எதிர்ப்பவர்கள் என்கிற அடிப்படையில் அவர்கள் ப்ரோட்டஸ்தாந்துகள் எனப்பட்டார்கள். அந்த மாட்டினே கிரிஸ்மசுக்கான கிறிஸ்மஸ் மரத்தை அறிமுகப்படுத்தியவர் என நம்பப்பட்டு வருகிறது. ஆனால், பதினைந்தாம் நூற்றாண்டிலிருந்தே மரங்களை அலங்கரித்து வீட்டில் வைக்கும் வழக்கம் இருந்தது. இதற்காக கூம்பு வடிவமுள்ள ஃபிர் அல்லது பைன் மரத்தை பயன்படுத்துவார்கள்.  (ஒரு பிர் மரம் சராசரியாக ஆளுயரத்துக்கு வளர பதினைந்து ஆண்டுகள் எடுக்கும்.  பதினைந்து கிறிஸ்மஸ்.களை தாண்டிய ஒரு மரத்துக்கு அடுத்த கிறிஸ்மஸ் இல்லை.) அந்த வழக்கத்தை பின்பற்ற நினைத்து நாங்கள் சவுக்கு மரங்களை இம்சை படுத்துகிறோம்.

X Mas என்று கிரிஸ்மசை குறிப்பிடும் வழக்கம் ஜெர்மனியர்களுடையது. இது ஜேசுவின் பெயரை எக்ஸ் என அழைப்பதாகும் என பலர் தவறாக விளங்கி வைத்திருக்கிறார்கள். உண்மையில் என்பது இயேசுவின் பெயரை கிரீக்கில் எழுதும்போது வரும் முதலாவது எழுத்தாகும். (X – Chi… (Χριστός) )

துருக்கியின் பட்டாரா கிராமத்தில்  கி பி 270 களில் வாழ்ந்த செயின்ட் நிக்கலஸ் என்கிற ஒரு பாதிரியார் மணமகனுக்கு கொடுப்பதற்கு பொருளில்லாததால் விபசாரத்தில் ஈடுபட முடிவெடுத்த சகோதரிகளான  மூன்று பெண்களின் திருமணத்துக்காக அவர்களுக்கு உதவுவதற்காக அவர்களது வீட்டுக்குள் இறங்கி கொஞ்சப் பொருட்களை வைத்துவிட்டுப் போனார்,  அவற்றை வைத்து பெண்கள் திருமணத்தை முடித்தார்கள் என்கிற கதையினை அடிப்படையாக கொண்டு, அந்தப் பாதிரியார் கிறிஸ்மஸ் இரவுகளில் வீடுகளின் புகைக்கூடு வழியாக இறங்கி, சிறுவர்களின் காலுறைகளில் பரிசுப் பொருட்களை வைத்துவிட்டுப் போவார் என்கிற நம்பிக்கை பரவியது. செயின்ட் நிக்கலஸ் காலப்போக்கில் சண்டா கிளாஸ் ஆகி, வட துருவத்தில் அவருக்கு பெரிய மாளிகையே இருக்கிறது, தமக்கு வேண்டியவற்றை சிறுவர்கள் எழுதி அங்கெ அனுப்பினால்,  பிளிட்சர், கொமெட்,குபிட் உள்ளிட்ட ரெயின்டியர் மான்கள் இழுக்கும் ஸ்லெட்ஜ் வண்டியில் பறந்து வந்து அவர்  தருவார் என்கிற அளவில் போய்விட்டது. செயின்ட் நிக்கலஸ் தான் (சண்டா கிளாஸ் ) பைபிளில் வராத மிகப் பிரபலமான புனிதர். அதிகளவில் வரையப்பட்ட புனிதரும் இவர்தான். வங்கி, அடைவு, கடலோடல் போன்றவற்றுடன், திருட்டு, அறிவுத் திருட்டு மற்றும் விலங்குகளை உண்ணுவதற்கும் புனிதத் தெய்வமாக இவர் வழிபடப்படுகிறார்.


கிறிஸ்மஸ் : சில லோளுலாயிகள்..
·         பேஸ்புக் போஸ்டுகளை ஆராய்ந்ததில், கிறிஸ்மசுக்கு சரியாக பதினான்கு நாட்களுக்கு முன்னால்தான் பெருமளவான காதல்கள் பிரிகின்றதாம்.
·         கிறிஸ்மஸ் காலப்பகுதியில் தற்கொலைகள் ஏனைய நாட்களை விட குறைவுதான். எப்போது அதிகம் தெரியுமா? கிறிஸ்மஸ் பன்னிரண்டு நாள் கொண்டாட்டங்களின் கடைசி நாள், ஜனவரி ஆறு.
·         கிறிஸ்மஸ் ஈவ் எனப்படும் கிறிஸ்மஸ் இரவில், மனம் தூய்மையானவர்களுக்கு, மிருகங்கள் பேசுவது கேட்கும் என்பது ஜெர்மனில் உள்ள கதை.
·         உலகத்தில் ஏறத்தாழ 2106 மில்லியன் சிறுவர்கள் இருக்கிறார்கள். ஒரு வீட்டுக்கு 2.5 சிறுவர்கள் என்று சராசரியாக வைத்தாலும், ஒரு கிறிஸ்மஸ் இரவில் அனைத்து சிறுவர்களின் விருப்பத்தையுன் நிறைவேற்ற, சண்டா 842 புகைக்கூண்டுக்குள் இறங்கவேண்டும். அதுவும் 221 மில்லியன் மைல் ஓடி. ஒவ்வொரு வீட்டுக்கிடைப்பட்ட தூரத்தையும் அவர் 0.0002 செக்கனுக்குள் கடக்கவேண்டும்.


கிறிஸ்மஸ் சரியா, பிழையா, கொண்டாடலாமா கொண்டாடப்புடாதா... எதுவும் தேவையில்லை. இயேசுவை பின்பற்றும் மதத்தை விடுங்கள், இயேசுவின் ஏதாவது ஒரு நல்ல கருத்தை பின்பற்றினால், நீங்கள் அவரது பிறப்பை கொண்டாடத் தகுதியானவரே. இல்லை என்றால், நீங்கள் கிறிஸ்துவின் மதத்தை பின்பற்றுபவராக இருந்தாலும், வெறும் கேளிக்கைக்காக கொண்டாடுபவரே. 
(neethujan bala)

Saturday, 22 December 2012

கணித மேதை இராமானுஜர் 125வது பிறந்த நாள்


கணித மேதை இராமானுஜர் அவர்களின் 125வது பிறந்த நாள் !!..வெங்காத்தில் பகிரப்பட்ட ராமானுஜரின் வரலாறு முழுத்தொகுப்பாக கீழே...

உலகை பெரும் வியப்பில் ஆழ்த்திய ஒப்பற்ற பெரும் கணிதமேதை இவர் . 1914 முதல் 1918 வரை உள்ள சில வருடங்களில் 3000 இற்கும் அதிகமான புதிய கணிதத் தேற்றங்களைக் கண்டு பிடித்தவர் இங்கிலாந்தின் F.R.S { Fellow of Royal Society }விருதையும் இங்கிலாந்து Trinity கல்லூரியின் Fellow of Trinity College விருதையும் ஒருங்கே பெற்ற முதல் இந்தியன் தமிழ்நாட்டில் பிறந்த ஒரு தமிழரான இவரை நம்மில் எத்தனை பேருக்குத் தெரியும் ? இவரது வாழ்க்கை வரலாற்றை அலசுவதே இத் தொடர் 

  

   ஸ்ரீனிவாச ராமானுஜன் 1887 டிசம்பர் 22 இல் தமிழ்நாட்டிலுள்ள ஈரோட்டில் பிறந்தார் .வளர்ந்ததும் படித்ததும் கும்பகோணத்தில் தந்தையார் பெயர் கும்பகோணம் ஸ்ரீனிவாசயங்க்கார் , தாயார் ஈரோடு கோமளத்தம்மாள் . மிகவும் வறுமையான பிராமணக் குடும்பம் .
   இவரது அபாரக் கணிதத்திறன் சிறு வயதிலேயே வெளிப்பட்டது . சிறுவயதிலேயே யாருடைய உதவியும் இல்லாமல் கணிதத்தின் மிக அடிப்படையான ஆழ் உண்மைகளைக் கண்டுணர்ந்தார் . 7 வது வயதில் உதவி நிதி பெற்று கும்பகோணம் உயர்நிலைப் பள்ளிக்குச் சென்றார் ராமனுஜன் .
   10 வது வயதில் அவருக்கு S.L.Loney ஆல் எழுதப்பட்ட advanced trigonometry நூல் வழங்கப்பட்டது . அவற்றைத் தானே சுயமாகக் கற்றுத் தேர்ச்சி அடைந்தார் . 12 ம் வயதில் Sum and Products of Infinity Sequences பற்றிய விளக்கத்தை அறிந்தார் இது அவரது பிற்காலக் கண்டுபிடிப்புகளுக்கு பெரிதும் பயன்பட்டது . அத்துடன் அப்போதே பல தேற்றங்களையும் கண்டுபிடிக்கத் தொடங்கினார் . இதில் Euler identity தொடர்பான மறு கண்டுபிடிப்பு முக்கியமானது . இதன் மூலம் தனது அசாதாரண கணித ஆற்றலை பாடசாலையில் நிரூபித்து பல விருதுகளும் வென்றார் .
    தனது 15 வது வயதில் கேம்பிரிட்ஜ் பல்கலைக்கழக கணித வல்லுநர் G.S.Carr தொகுத்த " Synopsis of Elementary Results in Pure Mathematics " என்னும் நூலை இரவல் வாங்கி சுமார் 6000 கணித தேற்றங்களை ஆழ்ந்து கற்றுக் கொண்டார் இங்கு குறிப்பிடப்பட்ட S.L.Loney ஆல் எழுதப்பட்ட , மற்றும் G.S.Carr இனால் தொகுக்கப்பட்ட இரண்டு நூல்களும் தான் ராமானுஜன் முழுமையாகக் கற்றுக் கொண்டவை .
    இதன் பின் 1903 இல் தனது 16 ம் வயதில் பெற்றுக்கொண்ட புலமைப்பரிசில் மூலம் கும்பகோணம் அரசினர் கல்லூரியில் சேர்க்கப்பட்டார் பின் 17 வது வயதில் Bernoulli numbers மற்றும் Euler-Mascheroni constant தொடர்பாக தனது சொந்த கணித ஆராய்ச்சிகளை மேற்கொண்டார் . ஆனாலும் அவர் மனது கணிதத்திலேயே மூழ்கிவிட்டதால் எஞ்சிய பாடங்களில் கவனம் செலுத்த முடியவில்லை . விளைவு ; கல்லூரித் தேர்வில் கோட்டை விட்டார் . பின் நான்கு வருடம் கழித்து சேர்ந்த சென்னைக் கல்லூரியிலும் தேர்வில் தோல்வியடைந்தார் !
பின் 1909 இல் திருமணம் செய்து கொண்ட ராமானுஜன் வறுமையின் கோரப்பிடியினால் தன் கணிதப் பித்தை தற்காலிகமாக ஒதுக்கி வைத்து விட்டு சென்னையில் வேலை தேடத் தொடங்கினார் . கணிதத்தை ஆதரிக்கும் செல்வந்தரான ஆர். ராமச்சந்திரராவ் ; கணித வல்லுநர் பலரது சிபார்சினால் 1910 இல் ராமானுஜனுக்கு கணிதத் துறையில் பணிபுரிய ,ஓரளவு தொகையை உபசாரச் சம்பளமாக மாதாமாதம் அளிக்க முன்வந்தார் . 1911 இல் ராமானுஜத்தின் முதல் பதிவு கணிதப் படைப்புகள், இந்திய கணிதக் குழுமத்தின் வெளியீட்டில் [ Journal of tha Indian Mathematical Society ] வெளிவந்தன . மேலும் தனியாக வேலை செய்ய விரும்பி சென்னைத் துறைமுக நிறுவனத்தில் 1912 இல் ராமானுஜம் 'கிளார்க்' வேலையில் சேர்ந்த்தார் அதன் பின் தான் அவர் வாழ்வில் ஒரு பெரிய திருப்புமுனை ஏற்பட்டது .




    ஆம்; ராமானுஜன் 'கிளார்க்' வேலையில் இருந்தபோதும் அவரது கணித ஆராய்ச்சிகள் தொடர்ந்து நிகழ்ந்த வண்ணமே இருந்தன . இதன் விளைவாக; துறைமுக அலுவலகத்தில் ஒரு 'கிளார்க்' கணிதத்தில் சாதனைகள் புரிந்து வருகிறார் என்ற செய்தி பரவலாக சென்னை கல்விக்கூடங்களில் பேசப்படத் தொடங்கியிருந்தது . இதன் தொடர்ச்சியாக இந்திய கணிதக் கழகத்தின் நிறுவுனரான பேராசிரியர் வி. ராமஸ்வாமி ஐயரும் , அவரால் ராமானுஜனுக்கு அறிமுகமான பேராசிரியர் சேஷு ஐயரும் , சென்னைத் துறைமுக அலுவலகத்தின் தலைவரான ஸர் பிரான்ஸிஸ் ஸ்பிரிங் அவர்களும் ராமானுஜனின் கணித ஆற்றலைப் பாராட்டி அவரது கணிதப் படைப்புக்களை இங்கிலாந்தில் இருந்த மூன்று முக்கிய பிரிட்டிஷ் கணித வல்லுனர்களுக்கு அனுப்பித் தொடர்புகொள்ள ஊக்கம் அளித்தார்கள் . அவர்களில் இருவர் பதில் போடவில்லை . ஒருவர் மட்டும் பதில் அனுப்பினார் அவர் தான் அக்காலத்தில் புகழ்பெற்ற பிரிட்டிஷ் கணித நிபுணர் ; G.H.ஹார்டி !!  { மற்றைய இருவர் E.W.Hobson , H.F.Baker }

                                                            கணித நிபுணர்  G.H. ஹார்டி

    ராமானுஜனின் கத்தையான கடிதக்கட்டு ஹார்டியின் கையில் கிடைத்தது 1913 ஜனவரி 16 ம் திகதி ! முதலில் மேலோட்டமாகப் பார்வையிட்டு விட்டு ஏதோவொரு பைத்தியம் எழுதியதாக எண்ணிக் கடிதக்கட்டை ஒதுக்கி வைத்தார் ஹார்டி. ஏனெனில் ராமானுஜன் அனுப்பிய தேற்றங்கள் எவைக்கும் நிறுவல்கள் அனுப்பப்படவில்லை ! இரவு உணவின் பின்னர் அவரும் , அவரது நெருங்கிய கணித ஞானியான ஜான் லிட்டில்வுட்டும் இணைந்து புதிர்களைப்போல் இருந்த ராமானுஜனின் நூதனமான 120 கணித இணைப்பாடுகளையும் கணித தேற்றங்களையும் மெதுவாகப் புரட்டிப் பார்த்து பொறுமையாக ஆழ்ந்து படித்தார்கள் . 
                                      
                                                       ராமானுஜனின் note book இன் ஒரு பகுதி  


       அதில் பல தேற்றங்கள் அவர்களுக்குப் புதிராகவே இருந்தன . ஓரிரண்டு தவறான தேற்றங்களும் இருந்தன புதிதாக இருந்தவற்றுக்கு நிறுவல்கள் கொடுக்கப்படாமல் இருந்ததால் அவர்களே அவைகளை நிறுவப்பார்த்தார்கள் . சிலவற்றை அவர்களால் நிறுவ முடிந்தது . சிலவற்றிற்கு நிறுவலுக்காக என்ன செய்ய வேண்டும் என்பதை அவர்களால் ஊகிக்க முடிந்தது . ஆனால் பல தேற்றங்களை அவர்களால் அணுகவே முடியவில்லை ! ஆனாலும் அதற்காக அவைகளை ஏதோ பிதற்றல் என்று ஒதுக்கவும் முடியவில்லை . உலகத்திலேயே எண் கோட்பாட்டில் பிரமாணமாக எடுத்துக் கொள்ளப்படுபவர்களான அவர்களாலேயே அத் தேற்றங்களின் உண்மையைப்பற்றி ஒன்றுமே சொல்ல முடியாத நிலையில் ; பிரமித்துப்போன இரு வல்லுனர்களும் ஒரு முடிவிற்கு வந்தனர் . தாம் காண்பது ஒரு மகா மேதையின் உன்னத கணிதப்படைப்புகள் !;அவை ஒரு பைத்தியக்காரனின் கிறுக்கல்கள் அல்ல என்று !! இருவரும் அன்றே தீர்மானித்து விட்டனர் ; ராமானுஜனை கேம்பிரிட்ஜுக்குக் கொண்டுவர வேண்டும் என்று !அத் தீர்மானம் கணிதத்தில் வரலாறு படைத்த தீர்மானம் !!
      ஹார்டி உடனே ராமானுஜனைக் கேம்பிரிட்ஜுக்கு வரும்படி கடிதம் எழுதிய போதும் ;சென்னைப் பல்கலைக்கழகமும் [ University of Madras ] இங்கிலாந்து கேம்பிரிட்ஜ் , Trinity கல்லூரியும் அவருக்கு உதவி நிதி வழங்க முன்வந்த போதும் ; ராமானுஜனால் உடனே நாடு விட்டு நாடுபோக முடியவில்லை !! 



    ராமானுஜன் பிராமண குடும்பத்தைச் சேர்ந்தவர் என்று முன்பே கூறியிருந்தேன், அதுதான் அவருக்குத் தடையாக இருந்தது. அக் காலத்திலே, பிராமணர்கள் கடலைத் தாண்டிச் செல்வதென்பது மாபெரும் பாவமாகக் கருதப்பட்டது. பழமையான பண்புகளில் ஊறியிருந்த அவரது தாயார், அவரது பயணத்தைக் கடுமையாக எதிர்த்தார். சுமார் ஒரு வருடமாக இங்கிலாந்துக்குச் செல்வதா, வேண்டாமா என்று பெரும் மனப் போராட்டம் நடத்தினார் ராமானுஜன். தனக்குக் கிடைத்த அரிய சந்தர்ப்பத்தை அவரால் இலகுவாக உதறித்தள்ளிவிட முடியவில்லை. 

      இறுதியாக 1914ம் ஆண்டு மார்ச் மாதம் 17ம் திகதி தன் தாயின் பலத்த எதிர்ப்பைப்புறந்தள்ளி இங்கிலாந்து செல்லக் கப்பலேறினார் ராமானுஜன். ஆனாலும் தன் தாயிடம் 'எக்காரணம் கொண்டும் மாமிசம் புசிக்க மாட்டேன்' என்ற உத்தரவாதத்தையும் வழங்கிவிட்டே கப்பலேறினார். அவர் ஏப்ரல் 14ந் தேதி லண்டனை அடைந்தார். அங்கே E.H.Neville தன் காருடன் காத்திருந்தார். நான்கு நாட்களின் பின்னர் கேம்பிரிட்ஜில் உள்ள E.H.Neville யின் வீட்டை அடைந்த ராமானுஜன் உடனடியாகவே ஹார்டியுடன் இணைந்து தன் பணியைத் தொடங்கினார். 6 வாரங்களின் பின்னர் Neville யின் வீட்டிலிருந்து வெளியேறிஹார்டியின் room இற்கு அருகிலேயே room எடுத்து தங்கினார் ராமானுஜன்.
                                                              ஹார்டி-ராமானுஜன்

   அவர் கேம்பிரிட்ஜில் ஹார்டியுடன் பணியாற்றிய அடுத்த நான்கு ஆண்டுகளும் (1914-1918) கணித உலகுக்குப் பொன்னான ஆண்டுகள்தான். ஹார்டியின் சீரிய பொறிநுணுக்கமும் ராமானுஜனின் நூதன கணித ஞானமும் இரண்டறக்கலந்து சுமார் 3000 இற்கும் மேற்பட்ட கணிதத் தேற்றங்கள் உருவாகின. இருவரும் Arithmatic Functions பலவற்றை ஆங்கில, ஐரோப்பிய விஞ்ஞானப் பதிவுகளில் வெளியிட்டார்கள். [ 27 ஆய்வுக் கட்டுரைகள் ராமானுஜனால் வெளியிடப்பட்டன, அவற்றில் 7 கட்டுரைகள் ஹார்டியுடன் கூட்டாக எழுதியவை ] அவர்கள் வெளியிட்டவற்றில் Riemann Series, Elliptical Integrals, HyperGeometric Series, Fuctional Equations of Zeta Functions மற்றும் ராமானுஜன் தனியாக ஆக்கியDivergent Series ஆகியவை கணிதத்துறையில் குறிப்பிடத்தக்கவை.
ராமானுஜனைப் பொறுத்தவரை எண்கள்தான் அவர் உலகம். எண்களுடன் விளையாடிக் கொண்டிருப்பதே அவரது பொழுதுபோக்கு. ஒரு சந்தர்ப்பத்தில் ஹார்டியும் ராமானுஜனும் உரையாடும் போது, ஹார்டி; தான் வந்த taxi இலக்கமான 1729 என்பது சுவாரஸ்யமற்ற/சாதகமற்ற இலக்கம் என்றும் 
அந்த டாக்ஸியில் தான் அலைக்கழிந்ததாகவும் கூறினார். உடனே குறுக்கிட்ட ராமானுஜன், இல்லை அவ்வெண் சுவாரஸ்யமானது என்று கூறி, அவ்வெண்ணை இரு வெவ்வேறு வழிகளில் இரு கனங்களின் கூட்டுத்தொகையாக எழுதலாமென்றார் !! ஒரு இலக்கத்தைக் கூறியவுடனேயே அந்த இலக்கத்தைப் பற்றி விலாவாரியாக விளக்குமளவுக்கு ராமானுஜனுக்கு எண்களிடம்  பரிச்சயம் இருந்தது. இவர்களது நினைவாக 1729 என்ற இலக்கமே Hardy–Ramanujan number என்றே இன்று அழைக்கப்படுகின்றது.
     எண்களின் பண்புகளைப் பற்றிய number theory இலும் complex number இலும் இவர் கண்டுபிடித்துக் கூறிய ஆழ் உண்மைகள் இன்று அடிப்படை இயற்பியல்துறை முதல் கணனித் துறையின் உயர்மட்டம் வரை பயன்படுத்தப்பட்டு வருகின்றது.

{

உண்மையில் ராமானுஜனின் படைப்பாற்றல் அபரிமிதமான வேகத்தைக் கொண்டிருந்தது. இது பற்றி பின்னாட்களில் ராமானுஜனின் திடீர் மறைவுக்குப் பின்னர் ஹார்டி குறிப்பிடும் போது; 'இங்கு வருவதற்கு முன்னால் அவர் என்ன புத்தகம் படித்திருந்தார், இன்னென்ன புத்தகங்களைப் படித்திருந்தாரா,இல்லையா என்பதை என்னால் சொல்ல முடியவில்லை. நான் கேட்டிருந்தால் ஒரு வேளை சொல்லியிருப்பாரோ,என்னமோ. ஆனால், ஒவ்வொரு நாளும் நான் அவருக்குக் காலை வணக்கம் சொல்லும் போதும் அவர் எனக்கு ஐந்தாறு புதுத் தேற்றங்களைக் காட்ட ஆயத்தமாயிருந்ததால், எனக்கு வேறு எதையுமே பேச வாய்ப்புமில்லை. அத்துடன் ராமானுஜனைப் பார்த்து அதைப் படித்திருக்கிறாயா,இதைப் படித்திருக்கிறாயா? என்று கேட்பதும் பொருத்தமில்லாததாக இருந்தது.' என்கிறார்.
ஹார்டி கூறியது உண்மை தான்.... எந்தக் கணித வல்லுனருடன் ஒப்பிட்டாலும் ராமானுஜனைப் 'படிக்காதவர்' என்று தான் கூற வேண்டும். தன்னால்; தனக்குத்தானே கற்பித்துக் கொண்ட மேதை அவர். அவரது கணித அறிவுமுறைசாராததாக இருந்தது. 18 ,19 வது நூற்றாண்டுகளில் அடுக்கு,அடுக்காக உலகை மேவிய கணிதம் யாவும் அவர் வழியில் தட்டுப்படாமலே/அவற்றைக் கற்காமலே அவரால் உலகிலுள்ள அத்தனை கணிதவியலாளர்களுக்கும் புதிதாகச் சொல்வதற்கு எவ்வளவோ இருந்தது.
20 ம் நூற்றாண்டில் ஒரு விண்மீன் போல அவர் திடீரென்று தோன்றியதும், உலகில் அப்பொழுது மேன்மையானதென்று புகழ் பெற்றிருந்த பல பல்கலைக் கழகங்களில் முறைப்படி அவருடைய ஆராய்ச்சிக் கட்டுரைகள், கருத்துக்கள் அரங்கேறியதும் ஒரு சுவையான பரபரப்புக் கணித வரலாறு.

பின்னாட்களில் ஒருமுறை ராமானுஜனின் கணித மேன்மையை இலக்க ரீதியில் ஒப்பிட்டு ஹார்டி கூறுகையில்; ராமானுஜனின் திறனுக்கு மதிப்பு 100 அளித்தால்,அப்போதைய ஜெர்மன் மகா கணித மேதை David Hilber இற்கு 80, லிட்டில்வுட்டுக்கு 30,தனக்கு 25 மட்டுமே.


ராமானுஜனின் கணித தேற்றங்கள், அவற்றின் விளைவுகள், அவரது கணிதக் கூட்டுழைப்பு, யாவும் தன் வாழ்க்கையில் நிகழ்ந்த ஓரினிய கவர்ச்சிச் சம்பவமாக எண்ணி ஹார்டி களிப்படைக்கின்றார்.
ராமானுஜனுக்கு Cauchy தேற்றம், Doubly Periodic Functions போன்ற மற்ற கணிதத் துறை அறிவில் எந்தவித ஞானமும் இல்லை!! இவற்றை எப்படி அவருக்குக் கற்றுக் கொடுப்பதுஎன்று மலைப்படைந்தார் ஹார்டி! ஆனாலும் அவற்றில் சிலவற்றை தன்னால் முடிந்தவரை ஹார்டி கற்றுக் கொடுத்தார்.
இது பற்றி ஹார்டி குறிப்பிடும் போது நான் அவருக்குத் தெரியவேண்டியவை என்று சொல்லிக் கற்றுக் கொடுத்தது சரி தானா என்று தெரியவில்லை. ஏனென்றால் நான் சொல்லிக் கொடுத்ததால் அவருடைய மேதை பரிமளிப்பதைத் தடை செய்திருக்கவும் கூடுமல்லவா? ஒருவேளை நான் அவருக்குச் சொல்லிக் கொடுத்தது தான் சரி என்று வைத்துக் கொண்டாலும், ஒன்று மாத்திரம் உண்மை. அவர் என்னிடமிருந்து கற்றதைவிட நான் அவரிடமிருந்து கற்றது தான் அதிகம்என்கிறார்.


1918 ம் ஆண்டில் ராமானுஜன் லண்டன் F.R.S விருதையும் டிரினிட்டி கல்லூரியின் Fellowof Trinity College விருதையும் ஒன்றாகப் பெற்றுப் புகழடைந்தார். அரும் பெரும் இவ் இரு கௌரவப் பட்டங்களையும் முதன்முதல் முப்பது வயதில் வாங்கிய முதல் இந்தியர் ராமானுஜன் தான்!
அவரது சீரும் சிறப்பும் உன்னதம் அடைந்து மேல்நோக்கிப் போகையில் அவரது உடல் ஆரோக்கியம் அவரைக் கீழ் நோக்கித் தள்ளியது! வேனிற் காலநிலைப் பூமியில் வாழ்ந்த ராமானுஜனுக்கு, ஈரம் நிரம்பிய குளிர்ச்சித் தனமான இங்கிலாந்துக் காலநிலை உடற்கேட்டைத் தந்தது. முதலாம் உலக யுத்தத்தின் நடுவே இங்கிலாந்து கடுமையான நெருக்கடியைச் சந்தித்துக் கொண்டிருந்த சூழலில் காய்கறிகளுக்குப் பெரும் தட்டுப்பாடு நிலவி வந்த பின்னணியில் காய்கறி உணவை மட்டுமே நம்பி அதையும் கட்டுப்பாட்டோடு உண்டு வந்ததால் அதுவும் அவரது உடல்ப் பலவீனத்தை அதிகமாக்கியது.
ராமானுஜனைப் பயங்கரக் காச நோய் பீடித்து வீரியத்தோடு தாக்கியது. அந்தக் காலத்தில் இங்கிலாந்தில் கூட காச நோயிற்குப் போதிய மருந்தில்லை. இங்கிலாந்துக்குச் சென்ற சிறிது காலத்திலிருந்தே அவர் இப் பிரச்சனையால் துன்பப்பட்டு வந்தார். அவரது பெரும்பாலான நாட்கள் மருத்துவ விடுதியிலேயே கழிந்தன. ஆனாலும் அவருடைய மனதில் ஓடிக் கொண்டிருந்த கணிதப் பிரச்சினைகளின் ஓட்டம் நிற்கவே இல்லை. அவரது கணிதப் படைப்புகள் பெருகிக் கொண்டேதான் இருந்தன.
1919 இல் போர் நின்று அமைதி நிலவிய போது நோய் முற்றி; இங்கிலாந்தில் வாழ முடியாதென முடிவுசெய்து இந்தியாவுக்குத் திரும்பினார். நோயின் உக்கிரம் கூட அவரது கணிதப் பணியை எள்ளளவும் குறைக்கவில்லை. உண்மையில் அவர் தனது நோயின் வலி நீக்கியாகவே கணிதத்தைப் பயன்படுத்தி வந்தார். அவர் கணித உலகில் சஞ்சரிக்கையில் அவரது வலிகள் யாவும் மறைந்து போவதாக ராமானுஜன் குறிப்பிடுகின்றார்.

இறுதியாக 1920 ஏப்ரல் 26ம் திகதி தனது 32 ம் வயதில்; கணிதமேதை ராமானுஜன் அவர்கள் இவ்வுலகை விட்டு விண்ணுலகு ஏகினார்!!
உயிர் நழுவிச் செல்லும் கடைசிவேளை வரை அவர் கணிதத் துறைக்குப் புத்துயிர் அளித்ததை அவரது குறிப்பு நூல்கள் காட்டுகின்றன. நோய் முற்றியிருந்த காலகட்டத்தில் மட்டும் சுமார் 600 புதிய தேற்றங்களைக் கண்டுபிடித்துள்ளார் ராமானுஜன்.
தற்காலத்தில் இவரது குறிப்பு நூல்களின் நகல்கள் சென்னைப் பல்கலைக்கழகம் உட்பட மூன்று அமைப்புகளின் ஒத்துழைப்பினால் பிரசுரிக்கப்பட்டுள்ளன. அத்துடன் கணித இதழ்களில் இவரது 32 ஆய்வுக் கட்டுரைகள் பிரசுரிக்கப்பட்டுள்ளன. மேலும் அமெரிக்காவின் Illiniois பல்கலைக்கழகத்தின் கணித வல்லுநர் Bruce.C.Berndt இனால் ராமானுஜனின் குறிப்பு நூல்கள் தொகுக்கப்பட்டு விரிவான விளக்கங்களுடன் 1985இலிருந்து 2005 வரையில் ஐந்து புத்தகங்களாக வெளிவந்திருக்கின்றன. அவற்றில் 3542தேற்றங்கள் இருக்கின்றனவென்றும் ஏறக்குறைய 2000 இற்கும் மேற்பட்ட தேற்றங்கள் அவர் வாழ்ந்த காலத்துக்கு முன்னால் கணித உலகுக்குத் தெரியாத தேற்றங்கள் தான் என்றும் கூறுகின்றார் Bruce.C.Berndt.
நிச்சயமாக ராமானுஜன் கற்றது கடுகளவு, கணித்தது உலகளவு என்று சொன்னால் அது அவருக்குச் சற்றும் மிகையாகாது!!!

கணித மேதை இராமானுஜரின் பிறந்தநாளையொட்டி கூகுல் இணணயதளம் அதன் முகப்பு பக்கத்தில் அவருக்கு மரியாதை செலுத்தி உள்ளது

(தேன் மதுரன்)