Tuesday, 15 May 2018

தைரியமானவர்கள் மட்டும் இவ்விடத்திற்கு செல்லலாம்

உலகம் முழுவதும் பல அழகான சுற்றுலாத்தலங்கள் இருக்கின்றன எமக்கு போதிய அளவு பணமும் நேரமும் கிடைத்துவிட்டால் போதும் விரும்பிய இடங்களுக்கு சென்று சுற்றுலாத்தலங்களை இரசித்து அனுபவித்துவிட்டுவரலாம் ஆனால் நாம் இங்கே பார்க்கப்போகும் இடங்களுக்கு அவளவு இலகுவில் யாரும் சென்றுவிடமுடியாது.ஆபத்துக்கள் நிறைந்த இந்தப்பகுதிகள் பல, அரசாங்கங்களினால் பொதுமக்களின் பாவனைக்கு தடைவிதிக்கப்பட்டுள்ளன அதோடு இவ்வாறான ஆபத்தான சுற்றுலாத்தலங்களில் பலவற்றை இயற்கையே தனிமைப்படுத்தித்தான் வைத்திருக்கின்றது.

இப்படியான உயிர் ஆபத்துக்கள் நிறைந்த இடங்களைப்பற்றித்தான் இப்போது பார்க்கப்போகின்றோம்

பாம்புத்தீவு


பிரேசில் நாட்டுக்கு அருகே அமைந்திருக்கும் அழகிய சிறிய தீவுதான் பாம்புத்தீவு .இங்கே மனிதர்கள் யாரும் இல்லை பாம்புகளும் பறவைகளும் மட்டுமே உயிர்வாழ்கின்றன.ஒட்டுமொத்தமாக 430 000 பாம்புகள் இத்தீவில் வாழ்வதனால் இத்தீவிற்கு பாம்புத்தீவு என்று பெயர் ஆனால் உண்மையில் இத்தீவின் பெயர் கெய்மாடா கிராண்டி தீவு என்பதாகும்.சுருக்கமாக இத்தீவு அழிவடையும் ஆபத்தில் உள்ள பாம்புகளின் சரணாலயம் என்று கூறலாம்.

உலகின் மிக ஆபத்தான விஷமுள்ள பாம்புகள் அனைத்தும் இங்கேதான் இருக்கின்றன.இத்தீவில் ஒரு கலங்கரைவிளக்கம் ஒன்றும் அமைந்திருக்கின்றது இத்தீவில் இருக்கும் ஒரே ஒரு கட்டிடம் என்றால் அது இதுதான். 1909இல் மிகவிரைவாக கட்டிமுடித்துவிட்டு கட்டிடப்பணியில்
ஈடுபடுபவர்கள் ஓடித்தப்பவேண்டியதாயிற்று அதோடு அங்கே வேலைசெய்தவர்களில் சிலர் பாம்புக்கடியால் மரணமடைந்து அவர்களது உடல் கரை ஒதுங்கியதாகவும் செய்திகள் இருக்கின்றன.
தங்க நிற தலையைக்கொண்ட  golden lancehead relies என்ற பாம்பும் இங்கேதான் இருக்கின்றது.இத்தீவின் ஆட்சியான வேட்டைக்காரனாக இருப்பது இந்த தங்கத்தலையைக்கொண்டபாம்புதான் இங்கே வாழும் பறவைகள்தான் இந்தப்பாம்பின் உணவு.இத்தீவிற்குள் யாராவது மனிதர்கள் சென்றால் பாம்பிடம் கடிவாங்குவதற்கான வாய்ப்புக்கள் மிக மிக அதிகம்.பாம்புக்கடிக்கு உடனடியான மருத்துவ சிகிச்சை பெறப்படவில்லையாயின் மரணம் சம்பவிக்கலாம்.இதனால்தான் பிரேசில் நாடு தன் நாட்டின் கடற்படையையும் சில ஆராய்ச்சியாளர்களையும் மட்டுமே இத்தீவிற்குள் நுழைய அனுமதித்துள்ளது.





சென்டினல் தீவு



வங்காளவிரிகுடாவில் அமைந்துள்ள அந்தமான் தீவுக்கூட்டங்களில் ஒரு சிறிய தீவுதான் சென்டினல் தீவு.60 000 வருடத்திற்கு மேலாக வெளி உலகத்துடன் எந்ததொடர்பும் இல்லாமல் இருக்கும் அடர்த்தியான காடுகளைக்கொண்ட தீவு இதுவாகும்.இங்கே வாழும் பழங்குடியினர் வெளி உலகத்துடன்,மனிதர்களுடன் எந்த உறவையும் வைத்துக்கொள்ளவிரும்புவதில்லை.ஹெலிஹாப்டரில் தவறுதலாக இத்தீவுப்பக்கம் சென்ற சுற்றுலாப்பயணிகள் மீதும் அம்புகளால் தாக்குதல் நடத்தியுள்ளார்கள்.2004 இல் சுனாமி இத்தீவை  தாக்கியதன் காரணமாக மீட்புப்பணிக்காகவும் முதலுதவிக்காகவும் ஹெலிஹாப்டர்கள் இங்கே சென்றபோது பறந்துகொண்டிருக்கும் ஹெலிஹாப்டர்கள்மீது சரமாரியாக அம்புமழை பொழியவே மீட்புக்குழு அங்கிருந்து திரும்பிவந்துவிட்டது.

ஒட்டுமொத்தமாக பழங்குடியினரின் எண்ணிக்கை 50 இல் இருந்து 500 வரை இருக்கலாம்.உணவுக்காக தீவுக்குள்ளேயே இவர்கள் அடிக்கடி இடம்பெயர்வார்கள்.இவர்கள் நரமாமிசம் சாப்பிடுபவர்கள் என்றும் ஒரு கதை இருக்கின்றது. சுராஜ்,பண்டித் திவாரி என்ற இந்திய மீனவர்கள் நண்டுபிடிப்பதற்காக இத்தீவிற்குசென்றுள்ளார்கள் அவர்கள் உறங்கும் தருவாயில் அவர்களைகொன்று கடலில் வீசியிருக்கிறார்கள் பழங்குடியினர்.இவர்களின் உடலைமீட்கும் இராணுவமுயற்சியும் தோல்வியடையவே மீட்புப்பணியை அரசு ஒத்திவைத்துள்ளது.
1880 இல் இத்தீவில்வாழும்  கணவன் மனைவி மற்றும் அவர்களது குழந்தைகளை கடத்தி துறைமுகத்திற்கு கொண்டுவரும்போது அவர்களுக்கு நோய் ஏற்பட ஆரம்பிக்கவே உடனடியா மீண்டும் அத்தீவிற்கே அவர்களை கொண்டுசென்றுவிட்டுவிட்டார்கள்.இத்தீவில் உள்ளமக்களின் நோய் எதிர்ப்புசக்தி குறைவாக இருப்பதனாலும் பழங்குடியினர் வெளி உலகத்துடன் எந்ததொடர்பையும் ஏற்படுத்தவிரும்பவில்லை என்பதனாலும் இத்தீவு தனிமைப்படுத்தப்பட்டதீவாகவே இருக்கட்டும் என்று இந்தியா முடிவெடுத்துள்ளது.


சினோர்பெல்



 வட உக்ரேனில் அமைந்திருக்கும் ஒரு நகரம்தான் சினோர்பெல்
.இன் நகரத்திற்கு சென்றால் அங்கே கைவிடப்பட்ட பொம்மைகள் வாகனங்கள் வீடுகள் என்று பலவற்றை நீங்கள் காணலாம்.ரெஸிடன்ற் ஈவில் திரைப்படத்தில் வரும் கைவிடப்பட்ட நகரம்போல்தான் இன் நகரம் காட்சியளிக்கும்.அப்படி என்னதான் நடந்தது?1981 ஆம் ஆண்டில்தான் இச்சம்பவம் நடைபெற்றது.ஒரே நாளில் நகரத்தின் அனைத்துமக்களும் உடனடியாகவெளியேற்றப்பட்டார்கள்.இதன் காரணமாக பொருட்களை எடுத்துச்செல்லக்கூட அவர்களுக்கு நேரமில்லாமல் தலைதெறிக்க ஓடவேண்டியதாயிற்று.

சினோர்பெல் நகரத்திற்கு அருகே அமைந்திருக்கும் அணு உலை ஒன்றில் வெடிப்பு ஏற்பட்டதன் காரணத்தினாலேயே அரசு மக்களை உடனடியாக நகரத்தைவிட்டு வெளியேற்றியது. அணு உலையில் உள்ள நீர் குளிர்சாதனம் செயற்படாமையின் காரணத்தினால் அணு உலையின் மையவெப்ப நிலை அதிகரித்தது ஒரு கட்டத்தில் அணு உலையின் மையம் வெடித்து சிதறியது.கதிரியக்கம் கொண்டகாபன் துகள்களும் கதிரியக்க அலைகளும் காற்றில் பரவ ஆரம்பித்தன.இவ்விபத்தின்போது வெளியிடப்பட்ட கதிர்வீச்சின் அளவு ஹீரோசிமாவில் போடப்பட்ட அணுகுண்டுக்கதிர்வீச்சைவிட 10 மடங்காகும்.உடனடியாக மரணமடைந்தவர்களின் எண்ணிக்கை வெறும் 30தான் ஆனால் இக்கதிர்வீச்சுப்பாதிப்பால் நீண்டகாலத்தில் இறந்தவர்களின் எண்ணிக்கை 4000ஆகும்.

பல குழந்தைகள் குறைபாட்டுடன் பிறந்துள்ளன,பல சிறுவர்கள் தைரோயிட் கான்சரினால் மரணமடைந்துள்ளார்கள்.1981இல் இருந்து 2004 வரை கதிரியக்கபாதிப்பால் இறந்தவர்களின் எண்ணிக்கை ஒரு இலட்சத்திற்கும் அதிகம் என்று பதிவாகியிருக்கின்றது.

இவ்வாறான அணுக்கதிர்தாக்குதல்களோ அல்லது விபத்துக்களோ நடைபெறும்போது அவற்றின் கதிர்ப்பு அளவீடுகளை அளப்பதற்காக ஒரு அளவீட்டை வைத்திருக்கிறார்கள் அதில் அதி உச்சத்தில் 7 ஆம் இடத்தில் இச்சம்பவம் பதிவாகியுள்ளது.அதாவது உலகில் இதுவரை நடைபெற்ற அணு
உலை விபத்து மற்றும் அணுகுண்டுத்தாக்குதல்களில் அதி உச்ச கதிர்வீச்சு அளவைத்தொட்ட ஒரே ஒரு சம்பவம் இதுவாகும்.இச்சம்பவம் நடைபெற்றதும் சோவியத் ஒன்றியம் சம்பவத்தைமூடி மறைக்கும் முயற்சியில்தான் ஈடுபட்டது ஆனால் 1000 கிலோமீட்டர்களுக்கு அப்பால் இருக்கும் சுவீடன் நாட்டின் அணு உலையில் ,கதிர்வீச்சு உணரப்படவே அங்கு அலாரம் அலற ஆரம்பித்தது.உடனடியாக சுவீடன் நாடு சோவியத்தை எச்சரிக்கை செய்யவே இவர்கள் கண்டுகொள்ளவில்லை.சுவீடன் நாடு அதோடு நிறுத்திக்கொள்ளாமல் international atomic energy authorityக்கும் அறிவித்தபின்னர்தான் சோவியத் விரைந்து செயற்படவே ஆரம்பித்தது.

சினோர்பெல்லில் இன்னும் கதிர்வீச்சுக்கள் இருந்துகொண்டு  இருப்பதுடன் உலகின் அதி கூடிய அணுக்கதிர்வீச்சுடைய பகுதி என்ற பெயரை இன்னும் தக்கவைத்துக்கொண்டிருப்பதால் சுற்றுலாப்பயணிகளுக்கு சிலமணித்தியாலங்கள்மட்டுமே இங்கு அனுமதி வழங்கப்பட்டுள்ளது.அப்படி அனுமதிக்கப்பட்டாலும் அணுக்கதிர்வீச்சை அளக்கப்பயன்படும் கருவிகளுடனேயே இங்கே செல்லமுடியும் காரணம் இங்கே சில இடங்களில் கதிர்வீச்சு மிக அதிகமாகக்கூட இருக்கலாம்.ஆச்சரியமான விடயம் என்னவென்றால் இங்கே விலங்குகள்,பறவைகள் எல்லாம் எந்தப்பாதிப்பும் இல்லாமல் வாழ்கின்றன.ஆராய்ச்சியின்போது இங்கே இருக்கும் கதிர்வீச்சு இவைகளைபாதிப்பதில்லை என்று கண்டுபிடித்திருக்கிறார்கள்.

Heard island


அவுஸ்ரேலியாவிற்கும் ஆபிரிக்காவிற்கும் இடையே அமைந்திருக்கும் தனிமையான ஒரு தீவுதான்
அவுஸ்ரேலியா நாட்டில் இருந்து 4000கிலோமீட்டர்கள் தொலைவில் இத்தீவு அமைந்துள்ளது.இத்தீவின் சிறப்பம்சம் என்ன்வென்றால் இத்தீவின் கால நிலை மாறிக்கொண்டே இருக்கும்.பனிப்பொழிவு,மழை,கடுமையான வெயில் என்று வானிலை மாறிக்கொண்டே இருக்கும்.அதோடு 2 ஆபத்தான எரிமலைகளும் இத்தீவிலேயே அமைந்திருக்கின்றது.சாதாரணமாக எந்த மனிதராலும் தாங்கிக்கொள்ளமுடியாத அளவிற்கு ஏற்படும் சடுதியான வானிலை மாற்றங்கள் காரணமாகவும் எரிமலைகள் இங்கே அமைந்திருப்பதனாலும் இது ஆபத்தான தீவாகக்கருதப்படுகின்றது.



குரங்குத்தீவு(monkey island puerto rico)



அமரிக்கவிற்கு அருகில் அமைந்திருக்கும் puerto rico என்ற தீவுதான் குரங்குத்தீவு என்று அழைக்கப்படுகின்றது.1938 இல் கிளாறின் என்ற விஞ்ஞானியால் 400க்கு மேற்பட்ட குரங்குகள் இத்தீவுக்கு கொண்டுவரப்பட்டன.இத்தீவுக்கு குரங்குகள் கொண்டுவரப்பட்டதன் முக்கிய நோக்கமே குரங்குகளை ஆராய்ச்சிகளுக்கு பயன்படுத்தி அவைகள் மீது பரிசோதனைகளை மேற்கொள்ளவதற்காகத்தான்.குரங்குகள் இங்கே கொண்டுவரப்பட்டதன் பின்னர் மருத்துவர்கள்,சத்திரசிகிச்சை நிபுணர்கள்,விஞ்ஞானிகள் என பெரிய ஒரு கூட்டமே இத்தீவினுள் சென்று பரிசோதனைகளை ஆரம்பித்தார்கள் அதோடு இப்பரிசோதனைகளை கொலம்பியா யூனிவேர்சிட்டி தன் மேற்பார்வையின் கீழ் நடத்தியது.

மருத்துவத்துறையில் பல ஆராய்ச்சிகளுக்கு பயன்படுத்தப்பட்ட ரீஸஸ் என்ற குரங்குகள் இத்தீவில் வைத்துத்தான் பரிசோதனைகளுக்கும் சத்திரசிகிச்சைகளுக்கும் உட்படுத்தப்பட்டன.75 வருடங்களாக இத்தீவு இப்படியான பரிசோதனைகளுக்கு மாத்திரமே பயன்படுத்தப்பட்டுள்ளது. இப்போது இத்தீவில் 1000இற்கு மேற்பட்ட குரங்குகள் வாழ்ந்துவருகின்றன.தொடர்ச்சியாக பல வருடங்களாக குரங்குகளில் நடாத்தப்பட்ட பரிசோதனைகளால் குரங்குகளின் டி என் ஏ மாற்றமடைந்திருப்பதால் இவற்றில் மனிதர்களுக்கு தீங்குவிளைவிக்கும் வைரஸ்கள் இருக்கலாம் என்று நம்பப்படுகின்றது.இதானால் இத்தீவிற்கு பிரயாணம் செய்பவர்களுக்கு ஒரு எச்சரிக்கைவிடுக்கப்படுகின்றது.என்ன நடந்தாலும் சரி குரங்கின் சிறு நீர் மட்டும் உடலில் படாமல் பார்த்துக்கொள்ளுங்கள் என்பதுதான் அது.


Death valley


சாவுப்பள்ளத்தாக்கு என்று அழைக்கப்படும் இப்பள்ளத்தாக்கு கலிபோர்னியாவில் அமைந்துள்ளது.அமெரிக்காவின் மிகத்தாழ்ந்ததும் வெப்பமானதுமான பகுதி இதுவாகும்.கடல் மட்டத்தில் இருந்து 282 மீட்டர் ஆழத்தில் இது அமைந்துள்ளது.இப்பள்ளத்தாக்கின் அசாதாரணமானவிடயம் இப்பள்ளத்தாக்கின் வெப்ப நிலைதான்.1913 இல் இப்பள்ளத்தாக்கில் 56.7 செல்ஸியஸ் வளிமண்டல வெப்ப நிலையும் 93.0 செல்ஸியஸ் நிலவெப்ப நிலையும் பதிவாகியுள்ளது.
1850 இல் ஒரு குழு இப்பள்ளத்தாக்கைக்கடக்கும்போது மர்மமான முறையில் மரணமடைந்துள்ளார்கள் இதன் காரணமாகத்தான் மக்கள் இப்பள்ளத்தாக்கை இதை சாவுப்பள்ளத்தாக்கு என்று அழைக்க ஆரம்பித்தார்கள்.




Room 39


வடகொரியாவின் உளவுப்பிரிவின் பெயர்தான் ரூம் 39.இவ் அமைப்பின் முக்கியமான வேலையே வடகொரியாவின் அரசியல் தலைவர்களுக்கு பினாமியாக செயற்படுவதுதான்.இந்த உளவுப்பிரிவு வருடத்திற்கு குறைந்தது 500மில்லியனில் இருந்து 1000மில்லியன் டாலர்கள்வரை தலைவர்களுக்கு பணத்தை எப்படியாவது புரட்டிக்கொடுத்துவிடும்.இதற்காக சட்டரீதியான வியாபாரமுறைகளையும் பல சட்டவிரோத நடவடிக்கைகளிலும் இந்த அமைப்பு செயற்பட்டுவருகின்றது.முற்றுமுழுதாக அரசியல்தலைவர்களின் நலனுக்காக மட்டுமே செயற்படும் இந்த அமைப்பின் கட்டடத்திற்குள் செல்ல யாருக்கும் அனுமதியில்லை.இவ் அமைப்பு வேறுவேறு
நாடுகளில் பல கம்பனிகளை ஓபின் செய்வதுடன் அங்கு பெருந்தொகைப்பணத்தை முதலீடும் செய்கின்றது.சீனாவைத்தான் வடகொரியா இதற்காகப்பயன்படுத்துகின்றது.தங்கம் வைரம் போன்றவிலையுயர்ந்த பொருட்களுடன்,மருந்துகள் போலி ஆவணங்களையும் பிளாக்மார்க்கட்டில் விற்றுவருகின்றது இந்த அமைப்பு.

விதைவங்கி



நோர்வேயின் ஸ்பிட்ஸ் பேர்கனில் அமைந்துள்ள தானியசேமிப்புவங்கியைத்தான் நீங்கள் பார்த்துக்கொண்டிருக்கிறீர்கள்.உலகின் பெரும்பாலான நாடுகளில் உள்ள மரபணு வங்கிகளில் சேமிக்கப்பட்டிருக்கும் தாவரவிதைகளின் பிரதிகள் இங்கே பாதுகாப்பாக சேமித்துவைக்கப்பட்டுள்ளன.உலகில் ஏற்படும் சடுதியான கால நிலைமாற்றங்கள் இயற்கை அழிவு போன்றவற்றில் இருந்து தாவர இனங்களை பாதுகாப்பதற்காகவே இவ் வங்கி அமைக்கப்பட்டுள்ளது.8.8 மில்லியன் அமேரிக்க டாலர்கள் செலவில் 2008 இல் இது ஆரம்பிக்கப்பட்டுள்ளது.
இன்றுவரை ஒட்டுமொத்தமாக 9 இலட்சம் அளவிலான தாவரவிதைகள் இங்கே சேமித்துவைக்கப்பட்டுள்ளன அதோடு இவ்விதைகளை சுமார் 1000 ஆண்டுகள் வரை பாதுகாப்பாக இங்கே சேமித்துவைக்கமுடியும்.தாவரவிதைகள் மனிதர்களிடம் காணப்படும் வைரஸ்,பக்ரீரியா,பங்கஸ் போன்றவற்றினால் பாதிப்படையும் அபாயம் இருப்பதனால் இங்கு வெளிமனிதர்கள் அனுமதிக்கப்படுவதில்லை அதோடு எதிர்காலத்தில் உலகில் பட்டினி ஏற்பட்டால் இவ் வங்கி தாக்கப்படும் அபாயம் இருக்கின்றது என்பதற்காக முன்னெச்சரிக்கை பாதுகாப்பு ஏற்பாடுகளும் மேற்கொள்ளப்பட்டுள்ளன.

Area 51



அமெரிக்காவின் நிவாடாப்பகுதியில் அமைந்துள்ள இரகசியவிமான நிலையம்தான் Area 51
நவீன ஆயுதங்களையும்,விமானங்களையும் பரிசோதனை செய்வதற்காகவே இந்த இடம் நீண்டகாலமாக பயன்படுத்தப்பட்டுவருகின்றது. ஆரம்பத்தில் அமெரிக்க அரசு இப்படி ஒரு இடம் இருப்பதையே மறுத்துவந்த நிலையில் தற்போது இப்படியான ஒரு இடம் இருப்பதை மட்டும் ஒத்துக்கொண்டுள்ளது.ஏலியன்ஸ் தொடர்பான ஹொலிவூட் திரைப்படங்களில் ஏரியா 51 என்ற இடத்தை ஏலியன் கள் ஏலியன் களின் விமானாங்கள் தொடர்பான ஆராய்ச்சி நடைபெறும் இடமாக 
காட்டுவார்கள்.ஆரம்பத்தில் கூகிள் இல் கூட இந்த இடம் மறைக்கப்பட்டிருந்தாலும் தற்போது இதைப்பார்வையிடமுடியும் ஆனாலும் பொதுமக்கள் இவ்விடத்திற்கு செல்லவோ பார்வையிடவோ அனுமதியில்லை.ரேடரின் மூலமாகவும் சென்சார்களின் மூலமாகவும் இவ்விடம் தீவிரமாக கண்காணிக்கப்படுவதுடன் நடைபெறும் ஆராய்ச்சிகள் முழுவதும் நிலத்தின் கீழேயே நடைபெறுவதனால் எம்மால் எதையுமே அவதானிக்கமுடியாது.இவ்விடத்திற்கு அருகில் வசிக்கும் மக்கள் வழமைக்குமாறாக வித்தியாசமான பறக்கும்பொருட்களை
அவதானிக்கும்போது ஊடகங்களில் அவை செய்திகளாக வெளிவந்து பரபரப்பை ஏற்படுத்தும் அப்போது அமெரிக்க அரசு எமது விமானங்களையே மக்கள் தவறுதலாக புரிந்துகொண்டுள்ளார்கள் என்ற வழக்கமான பதிலைக்கூறி தப்பிவிடுவார்கள் இது காலாகாலமாக நடந்துகொண்டுதான் இருக்கின்றது.

Thursday, 3 May 2018

முதுமை மூட்டழற்சி நோய்(osteoarthritis )


 மூட்டழற்சி,சிதையும் வாதம்,அத்திமூட்டுவாதம் என பல பெயர்களால் அழைக்கப்படும் இன் நோயின் பெயர் osteoarthritis ஆகும்.சுருக்கமாக எலும்பு அழிவடையும் நோய் என்றும் இதைக்கூறலாம்.முதியவர்களை மட்டுமே இன் நோயினால் பாதிக்கப்படுவார்கள் என்பது பிழையான ஒரு கருத்தாகும். இன் நோயினால் பாதிக்கப்படும் 5 நபர்களுள் ஒருவர் 65 வயதிற்கும் குறைவானவர்கள்.இந்த நோய் அபிவிருத்தியடைந்துவரும் நாடுகளில் மட்டுமல்ல அபிவிருத்தியடைந்த நாடுகளான அமெரிக்கா யூரோப் நாடுகளையே படுத்தி எடுத்துக்கொண்டுதான் இருக்கின்றது.அமெரிக்கா மட்டுமே வருடாவருடம் இந்த நோய்க்காக 6400 கோடி அமேரிக்கன் டாலர்களை செலவழிக்கின்றது.


மூட்டழற்சி நோய் இன்று நேற்று தோன்றிய நோய் அல்ல பல நூற்றாண்டுகளுக்கு முன்பே மனிதனை தொல்லைபடுத்திவந்துள்ளது.எகிப்திய மம்மிக்கள் சிலவற்றில் கூட இவ் வீங்கியமூட்டுக்களை கண்டுபிடித்திருக்கின்றார்கள்.அதோடு உலகப்பிரபலமான ஆய்வுப்பயணியாக கிரிஸ்டோபர் கொலம்பஸும் இன் நோயால் பாதிக்கப்பட்ட ஒருவர்தான்.
வீங்கிய மூட்டு என்றபதம் கிரேக்க வார்த்தையில் இருந்துதான் தோற்றம்பெற்றுள்ளது.

மூட்டு என்றால் என்ன?

மூட்டின் உடற்கூற்றியலைப்பார்த்தோமேயானால் இது இரு எலும்புகள் சந்திக்குமிடமாகும்.மூட்டு ஒரு நாருறையினால் மூடப்பட்டிருக்கும்,இவ் உறை அம்மூட்டினை பாதுகாக்கும் ஒரு அமைப்பாகும்.இத் தொகுதியை எலும்பிடைச்சவ்வு மூடியிருக்கும்.இச்சவ்வு எண்ணைத்தன்மையான ஒரு பதார்த்தத்தை சுரக்கும்,இந்த பதார்த்தம் உராய்வில் இருந்து அதாவது மூட்டுக்கள் ஒன்றுடன் ஒன்று தேயாமல் பாதுகாக்க உதவுகின்றது.அதோடு என்பு முடியும் முனையை குருத்தெலும்பு என்று அழைப்பார்கள் இது சற்று பஞ்சுத்தன்மையுடையதாக காணப்படும்.இது நீங்கள் நடக்கும்போதோ அல்லது ஓடும்போதோ வாகனங்களில் உள்ள சாக் அப்ஸோவர் போன்று தொழிற்பட்டு மூட்டைப்பாதுகாக்கும்.

இவ் மூட்டழற்சியை ஒத்த வேறு ஒரு நோய் காணப்படுகின்றது.இதை முடக்குவாதம் என்று அழைப்பார்கள்.இது மூட்டழற்சியைப்போல் அல்லாது சரமாரியாக உடலின் அத்தனை மூட்டுக்களையும் ஒரே நேரத்தில் தாக்கும் வல்லமைவாய்ந்தது.ஒரு மூட்டில் இருந்து வேறு ஒரு மூட்டிற்கு இன் நோய் பரவும்.ஆனால் மூட்டழற்சி நோய் ஒரு மூட்டில் இருந்து வேறு ஒன்றிற்கு பரவுவதில்லை.



 எலும்பின் அடிப்படைக்கட்டமைப்பு கீழே காட்டப்பட்டுள்ளது




எலும்பின் பகுதிகளான மூட்டுக்குருத்தெலும்பு(articular cartilage)மற்றும் அடிக்குருத்தெலும்பு (subchondral bone) என்பன சிதைவடைதலே இன் நோயின் முக்கிய குணங்களாகும்.

சாதாரணமாக எமது உடலின் பாரத்தைத்தாங்கும் மூட்டுக்களான இடுப்பு என்பு மூட்டு மற்றும் முழங்கால் என்பவையோடு முதுகெலும்பு, கைகள் ,கைவிரல்கள் என்பனவும் இன் நோயால் பாதிப்படையும்.இந்நோயால் ஆண், பெண் இருபாலரும் பாதிப்படைந்தாலும் ஆண்களை விட பெண்களே இந்நோயால் அதிகம் பாதிப்படைகின்றார்கள்.அதிலும் முக்கியமாக மாதவிடாய் நிறுத்தமடையும் காலப்பகுதியை கடக்கும் பெண்கள் இந்நோயால் பாதிப்படைதலுக்கான வாய்ப்புகள் அதிகமாக காணப்படுகின்றது.

நோய்க்காரணிகள்

நோயாளி உடற்பருமனுடன் கூடிய மூட்டழற்சி நோயாளியாக இருத்தல்
மூட்டில் சத்திரசிகிச்சை செய்யப்பட்டிருத்தல்
 விவசாயியாக இருத்தல்
பரம்பரை பரம்பரையாக் இன் நோய் குடும்பத்தில் இருத்தல்
முதுமையடைதல்
மூட்டு பிரழ்தலுக்கு சரியான சிகிச்சை எடுக்காமை



இன் நோயை 3 வகையாகப்பிரிக்கலாம்

1)முடிச்சுக்களைக்கொண்ட மூட்டழற்சி நோய்.(Nodal Generalised OA )
2) என்பு மூட்டுகளுக்கிடையில் கல்சியம் குறைவு ஏற்படுவதனால் இது ஏற்படும்.(Crystal Associated OA)
3)இளவயதினரிடம் ஏற்படும் மூட்டழற்சி நோய்.(OA of Premature Onset )

1)முடிச்சுக்களைக்கொண்ட மூட்டழற்சி நோய்

இன் நோயின்போது கைவிரல்,கால்களின் மூட்டுக்கள் சடுதியாக வீக்கமடைந்து வலி ஏற்படும் இது 2,3  வாரங்களுக்கு தொடர்ந்து நடைபெற்றுக்கொண்டிருக்கும்.இது பார்ப்பதற்கு முடிச்சுக்கள் போன்றிருப்பதால் Nodal Generalised என்று அழைக்கப்படுகின்றது.

இதில் 2 வகையான முடிச்சுக்கள் இருக்கின்றன
Heberden’s nodes
Bouchard’s nodes

முடிச்சுக்களைக்கொண்ட மூட்டழற்சி நோயின் ஏனைய வகைகள்

CMC of thumb


பெருவிரலும் மணிக்கட்டும் இணையும் பகுதியில் ஏற்படும் பாதிப்பால் இது ஏற்படுகின்றது.இன் நோய்நிலையின்போது பெருவிரலைப்பயன்படுத்தமுடியாத நிலை ஏற்படும்.பெருவிரலைப்பயன்படுத்தும்போது அதிகவலி ஏற்படும்.



Hallux


கால்பெருவிரலில் வீக்கம் ஏற்படுவதோடு பெருவிரலை அசைக்கமுடியாத நிலை ஏற்படும்.

Valgus/rigidus


நின்ற நிலையில் கால்களைச்சேர்த்துவைத்திருக்கும்போது முழங்கால்மூட்டுக்கள் அருகருகாமையில் ஒன்றாகவும் பாதமூட்டுக்கள் தூரமாகவும் இருக்கும்.





Knees & hips

இடுப்பு எலும்பில் ஏற்படும்பாதிப்பால் இன் நிலை ஏற்படுகின்றது.தொடர்ச்சியான இடுப்புவலியாக இல்லாமல் இடையிடையே இடுப்புவலி வந்து செல்லும்.ஆண்களில் விதையில் வலி ஏற்படும்.முக்கியமாக காலைவேளைகளில் மூட்டுக்களை அசைப்பது இருத்தல் எழும்புதல் கடினமாக இருக்கும்.

Apophyseal joints


முதுகெலும்பின் என்புகள் இணையும் பகுதியைத்தான் என்று கூறுவார்கள்.இதில் எகல்சியம் படிவடைந்து இவ் இடைவெளி நிரப்பப்பட்டு எலும்புகள் ஒன்றோடு ஒன்று இணைந்ததும் ankylosing spondylitis என்ற நோய் நிலை ஏற்படும்.இதன்போது முதுகில் கூன் ஏற்படும்.


மூட்டழற்சி நோய் நோயியல் 




நோய் அறிகுறிகள்:-

ஆரம்பத்தில் தொடர்ச்சியானவலியாக இருக்காமல் இடையிடையே ஏற்படும் வலியாக இருந்து நாளடைவில் தீவிர நிலைக்கு வலி மாற்றமடையும்.
முக்கியமாக மூட்டில் அழுத்தம் அதிகரிக்கும்போது அதாவது எழுந்து நிற்கும்போது வலி அதிகமாக இருக்கும்.
ஓய்வெடுக்கும்போது வலி குறைவாக இருந்தாலும் இடையிடையே ஏற்படும் வலியினால் நித்திரைகுழப்பமடையும்.
சிறிது நேரம் ஓய்வெடுத்தபின் மீண்டும் கால் கைகள் இறுக்கமடையும் அதோடு கை கால்களை அசைக்கும்போது எலும்புகள் தேய்வடையும் சத்தத்தை நோயாளியினால் உணரமுடியும்.

 மூட்டு நீர்க்கட்டு (joint effusion)


கை கால் மெலிவடைதல்,மூட்டுக்களை அசைக்கும்போது சத்தம் ஏற்படுதல்

நோயை கண்டறியும் சோதனைகள்

இரத்தப்பரிசோதனைகள் மூலம்  இந்நோயை உறுதிப்படுத்தமுடியாது.
X Ray,MRI மூலமே இன் நோயை உறுதிப்படுத்தலாம்.




சிகிச்சைமுறைகள்

உடற்பயிற்சியும் வாழ்க்கைமுறையில் மாற்றத்தை ஏற்படுத்துவதுமே இன்
நோய்க்கான முக்கிய சிகிச்சை முறைகளாகும்.இயன் மருத்துவர்/உடற்பயிற்சி மருத்துவரின் உதவியே இன் நோய்ச்சிகிச்சையில் பெரிதும் உதவுகின்றது.இவரின் உதவியுடன் isometric exercise,aerobic  exercise,isotonic exercise உடற்பயிற்சிகளை மேற்கொள்ளமுடியும்.உடற்பயிற்சியின் மூலமாக மூட்டுவலி,மூட்டுவீக்கம்,களைப்பு,உடற்சோர்வு,மனச்சோர்வு போன்றவற்றைக்குறைக்கமுடியும்.வெப்ப,குளிர் சிகிச்சைகள் ஸ்ரெச்சிங்க் உடற்பயிற்சிகளால் மூட்டழற்சிக்கு பெரிதும் நிவாரணம் கிடைக்கும்.


எடைகுறைப்பு இன் நோய்க்கான முக்கிய அடுத்தகட்ட நடவடிக்கையாகும்.உடற்பாரத்தின் அழுத்தம் மூட்டுக்களில்
தாக்கப்படுவதனாலேயே மூட்டுக்களில் மிகுந்தவலி ஏற்படுகின்றது,எனவே உணவுக்கட்டுப்பாட்டின் மூலமும் உடற்பாரத்தைக்குறைப்பதன்மூலமும் இவற்றைக்கட்டுப்படுத்தலாம்.கால்சியம் அதிகம் உள்ள உணவுவகைகள்,காய்கறிகள் யோகட்,பால்,சீஸ்,கடலுணவுகளை எடுத்துக்கொள்ளவேண்டும்.அதிக கொழுப்புச்சத்துள்ள உணவுகள்,ஜங்க் பூட்ஸ்,கொத்து,பிறைட் ரைஸ் போன்றவற்றை தவிர்க்க வேண்டும்.

மூட்டழற்சியால்பாதிக்கப்பட்டவர்கள்  ரீதியான ஆதரவு மிகவும் அவசியம்.உளவியல் ரீதியாக இவர்கள் மிகவும்
பாதிப்படைந்துவிடுவார்கள்.அன்றாட அடிப்படைவேலைகளைக்கூட இவர்களால் தனியே செய்யமுடியாதுபோகும்.ஒரு கைபேசியையோ,டிவி ரிமோட்டைகூட தூக்கும்போது கைவலி ஏற்படலாம்.நடக்கமுடியாமல் தள்ளுவண்டியை பயன்படுத்துபவராக மாற நேரிடும் இவ்வாறான சந்தர்ப்பங்களில் குடும்பத்தவரின் ஒத்துளைப்பு நோயாளிகளுக்கு மிகவும் அத்தியாவசியமான ஒன்றாகும்.

அக நோக்கு சிகிச்சையின் மூலம்(endoscopy)மூட்டழற்சியின் பாதிப்புக்களில் இருந்துவிடுபடமுடியும்.இதன் மூலம் மருத்துவர் மூட்டிற்குள்ளே கருவிகளை செலுத்தி தீங்குவிளைவிக்கும் பாதிப்படைந்த இழையத்தை அகற்றுவார்.


 ஜாயின்ட் ரீபிளேஸ்மன்ற் surgery (joint replacement surgery)-இதன்மூலம் பாதிக்கப்பட்ட மூட்டு முழுவதுமாக அகற்றப்பட்டு செயற்கைமூட்டு பொருத்தப்படும் இதன்மூலம் அடுத்த 10-15 வருடங்களுக்கு எந்த வலியும் இல்லாமல் வாழமுடியும்.

ஹாயோலூரோனிக் அசிட்டை நேரடியாக மூட்டுக்குள் செலுத்துவதன் மூலமாக வீக்கம் மற்றும் வலியை குறைந்தது 6 மாதத்திற்காவது தள்ளிவைக்கமுடியும்.மூட்டழற்சி நோயை பூரணமாக குணப்படுத்த இதுவரை மருந்துகள் கண்டுபிடிக்கப்படவில்லையாயினும் வலி நிவாரணிகளை பயன்படுத்துவதன்மூலமும் சரியான உடற்பயிற்சி மற்றும் உடல் எடைகுறைத்தல் வழக்காமான வாழ்க்கைமுறையில் மாற்றத்தை ஏற்படுத்துவதம் மூலமும் வலியையும் பாதிப்புக்களையும் வெகுவாக குறைக்கமுடியும்.


Wednesday, 2 May 2018

அமெரிக்க ஜனாதிபதியின் காரில் உள்ள ஆச்சரியங்கள்


சாதாரணமாக பல ஹாலிவூட் படங்களிலேயே நாம் இவற்றை பார்த்திருப்போம் அமெரிக்க ஜனாதிபதியின் காரின் முன்னாலும்,பின்னாலும் வரிசையில் பல கார்கள் வரும்,secret agentஸ் பலர்  அவரைச்சுற்றி எப்போதுமே இருப்பார்கள் அதிலும் ஜனாதிபதியின் ட்ரைவராக இருப்பவர் ஜேம்ஸ் பாண்ட் கதாப்பாத்திரம்போல் சகலகலாவல்லவனாக ஒரு அதகள நாயகனாக இருப்பார். 

london has fallen (2016) என்ற படத்தை நீங்கள் பார்த்திருந்தால் ஜனாதிபதியின் மீது நடைபெறும் தீவிரவாதத்தாக்குதல்கள் அதை முகம்கொடுப்பதற்கு என்னென்ன நடவடிக்கைகளை அமெரிக்க அரசுசெய்கின்றது என்றுகாட்டியிருப்பார்கள்.


வாருங்கள் விடயத்துக்கு செல்வோம்.

ஒரு குட்டி வரலாறு

1963இல் அமெரிக்க ஜனாதிபதியாக இருந்த ஜோன் கென்னடி மக்கள்முன்னிலையில் கொலைசெய்யப்படும்வரை சர்வசாதாரணமாக அமெரிக்க ஜனாதிபதிகள் மக்கள் முன் தோன்றினார்கள் அவர்களுக்கான பாதுகாப்பும் குறைவாகவே இருந்தது.ஆனால் கென்னடி கொலைசெய்யப்பட்டதின் பின்னரேயே அமெரிக்க ஜனாதிபதிகளுக்கான பாதுகாப்பு ஏற்பாடுகள் பலமடங்கு அதிகரிக்கப்பட்டதுடன்  அவர்கள் பயணிக்கும் கார் அதி நவீன ஆயுத,தொழில்நுட்ப வசதிகளைக்கொண்டதாகவும் ஆக்கப்பட்டது.

தற்போதைய ஜனாதிபதியான ட்ரம்பின் காரை உருவாக்குவதற்கு 15 மில்லியன் டாலர்களை அமெரிக்க அரசுசெலவழித்திருக்கின்றது.

இதை உருவாக்குவதற்கு வருடக்கணக்கான நேரமும் எடுத்திருக்கிறது.உண்மையில் இக்காரை கார் என்பதைவிட சிறிய டாங்கி என்று கூறுவதுதான் பொருத்தமாக இருக்கும்.ஜனாதிபதியின் இக்காரிற்கு "The Beast","Cadillac One", "Limousine One","First Car","Stagecoach" என்று பல பெயர்கள் இருக்கின்றன.அதோடு இது 20 000 பவுண்ட்கள் எடையையும் கொண்டது.
எடை அதிகம் இருப்பதால் அதிகபட்சமாக மணிக்கு 90 கிலோமீட்டர் வேகத்துடனேயே செல்லமுடியும்.

இக்காரின் கண்ணாடிகள் 5 மில்லிமீட்டர் தடிப்புள்ள புல்லட் புரூப் கிளாஸினால் ஆக்கப்பட்டவை.ட்ரைவரின் இருக்கைக்கு அருகில் இருக்கும் கண்ணாடியையே கீழே இறக்கமுடியும்.

இக்காரிற்கு பிரத்தியேகமாக செய்யப்பட்ட
 ரயர்களைக்கொண்டுவடிவமைத்திருக்கின்றார்கள்.இக்காரின் ரயரிற்கு Run-flat tire என்று பெயர் பஞ்சராகாத ரயர் என்றும்கூறலாம், ஏதாவது தாக்குதல் நடைபெற்று ரயர் பஞ்சரானாலும் கார் ஓடிக்கொண்டுதான் இருக்கும்.

இக்காரில் ஆர்.பி.ஜி பொருத்தப்பட்டிருக்கிறது அதோடு இரவில் பாதையினை தெளிவாக அவதானிப்பதற்காக நைட்விஷனையும் பொருத்தியிருக்கிறார்கள்.

கண்ணீர்புகைக்குண்டுகள்,சிறிய ரகத்துப்பாக்கிகள்,3 மணி நேரம் தாக்குப்பிடிக்கக்கூடிய அளவிலான ஒட்டிசன் சிலிண்டர்கள் அதோடு ஜானாதிபதியின் குரூப் ரத்தமும் சேமிக்கப்பட்டிருக்கும் இவளவு தடைகளைத்தாண்டி ஜனாதிபதிக்கு காயம் ஏற்பட்டால் அவரிற்கு காரில் வைத்தே இரத்தம் வழங்கமுடியும் அதோடு அடிப்படை வைத்தியவசதிகளும் காரின் உள்ளேயே இருக்கின்றன.
அன்ரி ராங்க் மிஸைல்ஸுடன் 8 இஞ் அளவான தடிப்பான
கதவுகளைத்தன்வசம் கொண்டது.காரை வடிவமைக்கும்போது வெளியே இருக்கும் சூழலையும் உள்ளே இருக்கும் சூழலையும் தனிமைப்படுத்தியே காரை உருவாக்கியிருக்கிறார்கள்.இதன் காரணமாக வெளியே இருந்து காற்றுக்கூட உள்ளே செல்லமுடியாது.கெமிகல் அட்டாக்கையும் தாங்கும் விதத்தில் கார் வடிவமைக்கப்பட்டுள்ளது.

இதைவிட காரின் உள்ளே ஜனாதிபதியின் பிங்கர்பிரிண்ட் தொழில் நுட்பத்தில் இயங்கும் satellite,internet வசதிகளையும் தன் வசம் கொண்டது.
ஜனாதிபதியின் கார் வெளியே வரும்போது தனியே வருவதில்லை ஒட்டுமொத்தமாக 12 கார்கள் கூடவே அணிவகுப்பில் வரும் அதில்3 கார்கள் ஜனாதிபதி பயன்படுத்தும் காரைப்போன்றவை.ஏதாவது ஒரு தாக்குதல் நடவடிக்கை நடந்தால் எந்தக்காரில் ஜனாதிபதி வருவார் என்று எதிரியை குழப்புவதற்காகவே இந்த செட்டப்.


ரேடியோ மற்றும் செல்போன் வேவ்களை அவதானிக்கும்,ஒட்டுக்கேட்கும் வசதியும் இக்காரில் உள்ளது.1996 இல் பில் கிளிண்டன் ஜனாதிபதியாக இருக்கும்போது பிலிப்பைன்ஸிற்கு ஒருமுறை பிரயாணத்தைமேற்கொண்டிருக்கிறார்.அப்போது பிரிஜ்,மாரேஜ் என்ற வார்த்தைகள் பரிமாறப்படுவதை உளவுப்பிரிவினர் ஒட்டுக்கேட்டுவிடுகின்றனர்.கிளிண்டன் பயணிப்பதாக முன்னரே திட்டமிடப்பட்டிருந்த பாதையில் ஒரு பாலம் இருந்திருக்கிறது,உடனடியாக பாதையை மாற்றி கிளிண்டனை அனுப்பிவிட்டு பாலத்தை பரிசோதனை செய்ததில் பாலத்தில் வெடிமருந்துகள் பொருத்தப்பட்டிருந்தமை கண்டுபிடிக்கப்பட்டது.இச்சம்பவத்திற்குப்பின்னரே இந்த செல்போன்களை ஒட்டுக்கேட்கும் தொழில்நுட்பத்தையும் இணைத்திருக்கிறார்கள்.